Search form

EXODUS 21

Sal Kong

(Deu 15.12-18)

1“Hi phung hi Israel mi na pek hna lai: 2Hebru mi a simi kha sal i na cawk tikah kum ruk chung an rianh lai. A kum sarihnak ah cun amah nih zeihmanh pek hau loin na luatter lai. 3A rat tikah amah lawngin a rat a si ahcun amah lawngin na kalter lai, asinain a nupi he an si ahcun a nupi he cun na kalter hna lai. 4A bawipa nih khan nupi cu a òhitpiak i fanu fapa an ngeih hna ahcun, a nupi le a fale cu a bawipa ta kha an si i a kaltak hna lai, amah lawng cu a chuak lai. 5Sihmanhsehlaw salpa nih khan, ‘Ka bawipa cu ka dawt, ka nupi le ka fale zong ka dawt hna, luat ka duh lo,’ a ti ahcun 6a bawipa nih khan Pathian sinah a chuahpi lai; innka ah maw innka tung ah khan maw a chuahpi lai i a hna an vih lai. A thih tiang a sal a si lai.

7“Mipa nih a fanu kha sal ah a zuar ahcun, salpa bantuk khan anih cu luatter a si lai lo. 8A nupi hna lak i pakhat si ve awkah a duhtu a bawipa lung kha a ton lo ahcun, midang kha a tlanhter hna lai; ramdang mi sin i zuarnak cu nawl a ngei lai lo, zeicahtiah cucu a ding lomi thil a si. 9A fapa òhitter a duh a si ahcun a fanu bantukin a tuah lai. 10Cun nu dang kha a òhit ahcun, a òhit hmasami kha rawl le hnipuan a rak pek tawnmi zat òhiamòhiam kha a pek lai i hmasa ah a nupi a rak sinak vialte zong kha a pek òhiamòhiam lai. 11Hi bantukin a cungah a tuah lo a si ahcun a luatter lai i tangka zeihmanh a la lai lo.

I Tukvelhnak Kong Nawlbia

12“Ahohmanh mi a vel i a thatmi cu amah cu thah a si lai. 13Asinain ruah ciammam si loin a thah sual a si ahcun, nan caah kan chiahpiak laimi hna hmun ah a zaam lai. 14Sihmanhsehlaw mi pakhatkhat cu a thin a hun i timh ciammam tein midang pakhat a thah a si ahcun, ka biakòheng hmanh khan nan hnuh lai i amah cu thah a si lai.

15“A nu siseh a pa siseh a velmi cu thah a si lai.

16“Ahohmanh mi a firmi cu, a zuar ah siseh, amah kut chung i hmuh a si ah siseh, thah a si lai.

17“Ahohmanh a nu siseh, a pa siseh chiat a serhmi cu thah a si lai.

18“Mi an i velh tikah, pakhat nih a dang pakhat kha lung in a cumh, asiloah a kut in a thongh, asinain a thih lo ahcun, dantatnak kha a ing lai lo; sihmanhsehlaw lung in cumhmipa kha maw thonghmi kha maw ihkhun ah a kuah a si ahcun, 19hnu deuh ah òhiangòhunh he i chawk kho hmanh seh law a cumtu nih khan asiloah a thongtu nih khan, a caan a sunghmi man kha a liam lai i a dam tiang a zohkhenh lai.

20“Mi pakhatkhat nih a salpa maw a salnu maw fung in a tuk i hmakhatte ah a thih ahcun, cu pa cu dantat a si lai. 21Asinain a sal cu ni khat ni hnih a nun ahcun a bawipa cu dantat a si lai lo. A sal cu a thil a si.

22“I vuak i velhnak hmun ah, fapawi nu pakhatkhat kha pa pakhatkhat nih a tuk i amah cu a thi lo nain a fa kha a rawk ahcun, a tutu pa kha a tukmi nu i a va nih ka liamh seh a ti zat paoh in dantat a si lai i biaceihtu hna nih cawi seh an timi zat in a cawi lai. 23Sihmanhsehlaw a thih ahcun dantatnak cu, nunnak caah nunnak ve, 24mit caah mit ve, ha caah ha ve, kut caah kut ve, ke caah ke ve, 25khangh caah khangh ve, hma caah hma ve, tuk caah tuk ve, a si lai.

26“Mi pakhatkhat nih a salpa maw a salnu maw a tuk i a mit a rawhter ahcun, a mit man ahcun a luatter lai. 27A ha a thlonghpiak ahcun ha man ahcun a luatter lai.

Thil Ngeitu Hna Ca Nawlbia

28“Cawtum nih nu siseh, pa siseh, a suk i a thih ahcun cawtum cu lung in thi lakin cheh a si lai; a sa kha ei lo a si lai; asinain a ngeitu kha cu dantat a si lai lo; 29sihmanhsehlaw kha cawtum kha mi suk hmang tawn a rak si i a ngeitu kha theihter a si cang i a ngeitu nih òha tein a khumh lo ahcun, nu siseh, pa siseh a suk hna i an thih ahcun, cu cawtum cu lung in thi lakin cheh a si lai i a ngeitu zong thah a si lai. 30Asinain a thimi nunnak man ah cu zat in si seh, ti a um ahcun, a nunnak khamhnak dingah khan, cu zat in si seh tiin khiahmi cu a liam dih lai. 31Cawtum nih ngakchianu maw ngakchiapa maw a thah hna ahcun hi phung ning òhiamòhiam hin tuah a si lai. 32Cawtum nih salnu maw salpa maw a thah ahcun a ngeitu nih khan sal bawi cu ngun tangka sawm thum a pek lai i cawtum cu thi lakin lung in cheh a si lai.

33“Mi pakhatkhat nih khor kha a chin chin loin a kaltak, asiloah khor cu a cawh i a chin a chinh lo caah a chungah caw siseh laa siseh a tla, 34cu bantuk thil a um tikah cun saòil man cu a liam lai. Saòil man cu a ngeitu kha a pek lai i a thimi saòil cu amah nih aa lak lai. 35Pakhat pa cawtum nih pakhat pa cawtum a thah ahcun, cu hna pahnih nih cun a nungmi cawtum kha an zuar lai i a man an i òhen lai, a thimi sa zong kha an i òhen lai. 36Asinain kha cawtum kha mi suk a hmang tawn ti theih a si i a ngeitu nih khan òha tein a khumh lo ahcun, a man a liam lai i a nungmi cawtum kha a thimi cawtum caah cun a pek lai; a thimi cawtum cu aa lak lai.

Hakha Common Language Bible

© Bible Society of Myanmar 2006

More Info | Version Index