Search form

GENESIS 13

Abram le Lot An I Òhen

1Abram cu Izipt ram khan a chuak i chaklei ah Negeb ram leiah khan a hung kal, a sinah cun a nupi le a ngeihmi vialte le Lot zong kha an kal ve. 2Abram cu mi rum ngaingai a si, tuu tampi a ngei, meheh tampi a ngei, caw tampi a ngei i sui le ngun zong tampi a ngei. 3Cun riahhmun pakhat hnu pakhat in Negeb ram in Bethel khua leiah khan aa thawn, hmasa i Bethel khua le Ai khua karlak i a rak riahnak hmun kha a hei fuh. 4Biakòheng a rak sernak hmun ah khan a hung kal òhan i cuka ah cun Bawipa kha a biak.

5Abram he a kal òimi Lot zong nih khan tuu le meheh le caw le a sin i a um vemi minung kha a ngeih ve hna. 6An pahnih in hmunkhat i um awkah saòil tlonnak ram nih a zaat hna lo, saòil tam tuk an ngei veve. 7Cucaah Abram saòil cawng hna le Lot saòil cawng hna kha an i si lengmang. (Cu lioah cun Kanaan mi hna le Periz mi hna kha cu ram chungah cun an um ko rih).

8Cun Abram nih Lot cu a thawh i, “Kannih cu rualchan kan si, na mi hna le ka mi hna hi an i sik lengmang awk a si lo. 9I òhen u sih. Ram hi na duhnak kaa zawn i thim law ka kaltak ko. Nang kehlei i na kal ahcun kei orhlei ah ka kal lai, orhlei i na kal ah cun kehlei ah ka kal lai,” a ti. 10Cucaah Lot cu khua a cuan i Jordan tiva nelrawnpi kha Zoar khua tiangin ti tampi a um i Bawipa dum bantuk le Izipt ram bantuk a si kha a hmuh. (Cucu Bawipa nih Sodom le Gomorrah khua a hrawh hna hlan kha a si.) 11Lot nih cun Jordan nelrawn cu a ningpi in aa thim i nichuahlei ah khan a kal. Abram le Lot an i òhenning cu, cuticun a si. 12Abram cu Kanaan ram chungah khan khua a sa i Lot cu nelrawn i a ummi khualipi hna lakah khan a um i Sodom khua pawngah khan riahhmun a ser. 13Sodom khuami cu miòhalo, Bawipa cung i òhat lonak a tuahmi misual an si.

Abram Cu Hebron Ah Aa Òhial

14Lot aa òhial hnuah Bawipa nih Abram cu a thawh i, “Na umnak hmun khan, nichuah nitlak chaklei thlanglei vialte cuan tuah hna; 15na hmuhmi ram vialte kha nangmah le na tefa cu kan pek hna lai i a zungzal in nan ta a si lai. 16Tefa tampi kan pek lai i an tam tuk ah ahohmanh nih an rel kho hna lai lo, leidip cu ahohmanh nih an rel khawh hna lo bantuk khi an si lai. 17Cucaah i tim law ram hi a pumpi in òol tuah, zeicahtiah a dihlak in nangmah cu kan pek lai,” a ti. 18Cucaah Abram nih a riahhmun cu a òhial i Hebron khua i Mamre thingzarh an umnak ah khan a va um, cuka ah cun Bawipa caah biakòheng pakhat a va ser.

Hakha Common Language Bible

© Bible Society of Myanmar 2006

More Info | Version Index