Search form

GENESIS 45

Josef Nih Aho A Si Kha A Chimh Hna

1Josef cu a zimuaitu hna hmaiah khan aa sum kho ti lo i, “Chuak dih hna seh,” tiah a au. Josef nih a unau pawl kha aho a si a chimh hna lioah hin ahohmanh midang a sinah an um lo. 2A ik kha a than caah Izipt mi nih khan an rak theih ve i siangpahrang inn ah khan thawng cu a va thang. 3Josef nih a unau pawl cu, “Josef ka si. Ka pa kha a nung rih maw?” a ti. Sihmanhsehlaw a unau pawl nih khan an òih tuk i zeihmanh an let kho lo. 4Cun Josef nih cun, “Rak ka naih deuh u,” a ti hna i, “Keimah cu nan nau Josef, Izipt ram i nan zuarmi kha ka si. 5Hi ram i nan rak ka zuar caah hin nanmah le nanmah sual i phaw hlah u, lung òhalo zongin um hlah u. A ngaingai ti ahcun nan hmai i a rak ka kaltertu hi Pathian a si i nan nunnak khamhnak ding caah a rak si. 6Ram chung i mangòam a tlun hi a kum hnihnak lawng a si rih, a dang kum nga a um rih lai i cu chungah cun lothlawh zong a um lai lo, rawl òuan zong a um lai lo. 7Vawlei cungah hin tefa nan ngeih nakhnga le nanmah cu nan dihlak in nan nundam nakhnga le a nungmi bu nganpi nan si nakhnga caah Pathian nih nan hmai i a rak ka kalter hi a si. 8Cucaah cun hika i a rak ka kaltertu ngaingai hi nanmah nan si lo, Pathian a si. Faro caah pa bantuk ah a ka ser i a ram vialte cu keimah nih ka zohkhenh dih i Izipt ram vialte cu ka uk dih.

9“Cucaah cun ka pa sinah khulrang in va kir u law, na fapa Josef nih, ‘Pathian nih Izipt ram vialte uktu ah a ka ser, cucaah khulrang in ka sinah ra. 10Goshen peng ah na um lai i ka pawngah na um kho lai § nangmah he, na fale he, na tule he, na tuu hna he, na meheh hna he, na caw hna he, na ngeihmi thil vialte hna he. 11Goshen i na um ahcun kan zohkhenh khawh lai. Mangòam hi kum nga chung a um rih lai i nangmah le na innchungkhar le na ngeihmi thil vialte kha harnak ton ding kan duh hna lo,’ tiah bia an cah ti in va chim u. 12Cun atu cu nan dihlak in, ka nau Benjamin he bia an ruahtu hna cu keimah hrimhrim ka si kha nan ka hmuh cang. 13Ka pa cu, zeitluk nawl ngei dah Izipt ram chungah hin ka si kha va chim u law nan hmuhmi thil zong kha va chim u. Cun khulrang in amah cu hika ah hin ratpi u,” a ti.

14Cun a nau Benjamin cu a kuh i a òap; Benjamin zong nih a kuh ve i a òap ve. 15Cun a ule dang vialte kha a hnamh hna i a kuh hna i a òap.

16Josef unau pawl kha an ra ti thawng cu Faro siangpahrang inn ah khan a va thang i Faro le a bawi pawl cu an i lawm. 17Faro nih khan Josef cu, “Na unau pawl cu an thil kha an saòil cungah khan chonh hna seh law Kanaan ram ah khan va kir hna seh. 18Cun an pa le an innchungkhar kha va la hna seh law ka sinah ra hna seh. Izipt ram chung a chuakmi thil lak i a òha bik kha an ei lai.

19“Cun Izipt ram in an nupile an fale caah rangleng zong kha i kalpi hna seh. An pa kha an va lak i an rat nakhnga chim hna. 20An thilri kaltak kha an sia herh hlah seh, Izipt ram chung vialte i hmun òha bik cu pei an ta a si lai cu,” a ti.

21Cu bantuk cun Israel fapa hna nih khan an tuah. Faro chim bangin Josef nih khan rangleng a pek hna i lampi ca riahcaw zong a rawnh hna. 22Cun voi khat thil thlennak cio zong a pek hna, Benjamin tu cu ngun tangka za thum le voi nga thil thlennak a pek. 23A pa kha Izipt ram chung thil chuakmi lak i a òha bikbik laa pahra phor a kuat i a pa nih lampi i a run ei awkah rawl le changreu le rawl dangdang kha laa pahra phor a kuat fawn. 24A unau hna cu a hei thlah hna i, “Lampi ah lungrethei in va um hlah u,” tiah a ti hna.

25Izipt cun an chuak i Kanaan ram ah an pa sin kha an phan. 26“Josef kha a nung ko rih. Amah cu Izipt ram vialte a uktu a si,” an ti. Jakob cu a lung a caw i a zum kho hna lo. 27Sihmanhsehlaw Josef nih a chimhmi vialte hna kha an chimh i amah Izipt ram i a kalnak ding caah Josef nih rangleng a kuatmi kha a hmuh tikah a lung aa lawm ngaingai òhan. 28Cu tikah aa thawh i, “Ka fapa Josef a nung rih ti ka theih hi a za cang! Ka vung kal lai i ka thih hlanah ka vung hmuhtak lai,” a ti.

Hakha Common Language Bible

© Bible Society of Myanmar 2006

More Info | Version Index