Search form

LEVITIKAS 21

Tlangbawi Hna Thiannak

1Cun Bawipa nih Moses cu a chawnh i hi bangin a ti: “Tlangbawi hna, Aaron fapa hna cu va chim hna law, annih lakah ahohmanh nih an mi hna lak i mithi ruangah i thurter hna hlah seh. 2Anmah naih bik rualchan, an nu, an pa, an fapa, an fanu, an unau ruangah dah ti lo ahcun i thurter hna hlah seh. 3Cun an far, va a ngeih lo caah, amah caah cun an i thurter ko hnga. 4Asinain òhitumnak lei in aa pehtlaimi an thih ah i thurter hna hlah seh. 5An lukheng an i kolh lai lo, an khahmul par zong an riam lai lo, an taksa zong zeihmanh an at lai lo. 6An Pathian caah an thianghlim lai i an Pathian min cu an thurhhnawmhter lai lo, annih nih mei in thawinak hna Bawipa sinah an pekchanhmi an Pathian changreu cu an pekchanh caah an thianghlim lai. 7Hlawhhlangnu siseh, a thur cangmi nu siseh, an òhi hna lai lo; makmi nu zong an òhi lai lo; zeitintiah tlangbawi cu a Pathian caah mithianghlim a si awk a si. 8Amah cu na thianter lai, zeitintiah nan Pathian changreu cu a pechantu a si; nan caah mithianghlim a si lai; zeicahtiah nannih an thiantertu hna Bawipa keimah cu ka thiang. 9Tlangbawi ahopaoh fanu nih hlawhhlang cannak in aa thurter ahcun, a pa a thurter a si; amah cu mei in khangh a si lai.

10“Tlangbawi, a unau hna lak i upa bik a simi, a lu cung i thuhnak chiti toihmi, puan aih awkah thiantermi nih cun a lu cung sam kha a thlah lai lo i a hnipuan zong a thlek lai lo; 11mithi umnak ah a lut lai lo, a pa ruang hmanh ah siseh, a nu ruang hmanh ah siseh, aa thurter lai lo; 12hmunthiang chung zongin a chuak lai lo i a Pathian hmunthiang kha a thurter lai lo, zeitintiah a Pathian thuhnak chiti in thianter a si cang: keimah cu Bawipa ka si. 13Nupi ah ngaknu thiang a òhit awk a si lai. 14Nuhmei maw, makmi maw, thurhhnawmh ciami nu maw, hlawhhlangnu maw, mah hna hi a òhi hna lai lo; sihmanhsehlaw amah mi hna chung i ngaknu thiang kha nupi ah a òhit lai i 15a fale kha a mi hna lakah a thurhhnawmhter hna lai lo; zeitintiah keimah cu Bawipa ka si, keimah nih ka thianter.”

16Cun Bawipa nih Moses cu a chawnh i, 17“Aaron sinah, ‘Na tefa hna lakah an tefa chin tiangin, dotlak lonak a ngeimi paoh nih cun a Pathian changreu pekchanhnak tuah awkah ra naih hlah seh. 18Zeitintiah dotlak lonak a ngeimi nih cun ra naih awk an si lo, mitcaw, kebei, hmai rawk, kut ke pakhatkhat sau tuk, 19ke kiak, kut kiak, 20keng kul, mi tawi, khua òha tein a hmu lomi, thakpherh a ngeimi, mi òial, til denmi hna nih cun an naih awk a si lo; 21tlangbawi Aaron tefa hna lak in ahohmanh dotlak lonak a ngeimi nih cun, Bawipa sinah mei in pekchanhmi thil pekchanh awkah a rat awk a si lo; dotlak lonak a ngeih caah a Pathian ta a simi changreu cu pekchanh awkah ra naih hlah seh. 22A Pathian ta a simi changreu a ei ko lai, a thiang bik zong, a thiangmi thil zong, 23sihmanhsehlaw puanzar pawngah cun a ra lai lo i biakòheng zong a fuk lai lo, zeitintiah dotlak lonak a ngeih caah ka hmunthiang kha a thurter sual lai; a thiantertu hna Bawipa cu keimah ka si,’ a ti tiah na chim lai,” tiah a ti. 24Cu bangin Moses nih Aaron le a fapa hna le Israel mi vialte cu a chimh hna.

Hakha Common Language Bible

© Bible Society of Myanmar 2006

More Info | Version Index