Search form

NAMBAR 4

Levi Mi Òuan Awk Rian

1Bawipa nih Moses le Aaron cu a chawnh hna i hi bangin a ti, 2“Levi fapa hna lak i Kohath fapa hna kha rel tuah hna u, an chung ning cio le an phun ning cio ah, 3kum sawm thum ri in kum sawm nga tiang, rian ah a lut khomi vialte, tonnak thlam chung i rianòuan awkah rel hna u. 4Kohath fapa hna i tonnak thlam chung i an rian cu, a thiang bik thil hna cu an si lai. 5Riahhmun cu pawh aa timh tikah, Aaron le a fapa hna nih an lut lai i phenhnak puanzar kha an òhumh lai i biahngalhternak kuang kha mah cu cun an tuam lai; 6cun a cungah meheh phaw in sermi zualnak in an zual lai, cun cu cungah cun a dihlak in a dummi puan an khuh lai i a laang cu an hrolh hna lai. 7Cun umcamcin changreu cabuai cungah cun a dummi puan an phah lai i a cungah pakan hna le rimhmui khanghnak kheng tete le kanto hna le thlet thawinak ca i awi-um hna cu an chiah hna lai; umcamcin changreu zong cu a cungah cun a um ve lai; 8cun an cungah puan sen an khuh hna lai i mah cucu meheh phaw in sermi zualnak in an zual hna lai i a laang cu an hrolh hna lai. 9Cun puan dum an lak lai i ceunak ca meiinn tung cu a meiinn hna le a hmihnak hna le a pakan hna le chiti an peknak um vialte he tiah an khuh lai: 10cun a thilthuam vialte he meheh phaw in sermi zualnak chungah cun an sanh lai i putnak laang cungah cun an chuan lai. 11Cun sui biakòheng cungah khan puan dum an khuh lai i meheh phaw in sermi zualnak in an zual lai i a laang kha an hrolh hna lai; 12cun rianòuannak umkheng vialte, hmunthiang chung i hmanmi kha an lak hna lai i puan dum chungah an chiah hna lai i meheh phaw in sermi zualnak in an zual hna lai i putnak laang cungah an chuan hna lai. 13Cun biakòheng vutcam kha an luah lai i a cungah puan senduk an khuh lai; 14cun a cungah biakòheng thilthuam vialte mah ka rianòuannak i hmanmi, meilaknak kheng hna le thir zum hna le cawhlek hna le khengkuar hna le, biakòheng thilthuam vialte hna cu an chiah lai; cun a cungah meheh phaw in sermi khuhnak an phah lai i a laang cu an hrolh hna lai. 15Cun Aaron le a fapa hna nih hmunthiang le hmunthiang thilthuam vialte cu an khuh dih tikah, riahhmun cun aa thawh lioah, cu hnuah Kohath fapa hna cu mah hna hi zawnh awkah an ra lai, sihmanhsehlaw thil thiang kha an tawng hrimhrim hna lai lo, an thi sual hnga. Mah hna hi tonnak thlam thilri Kohath fapa hna nih an i zawnh awk hnga cu an si.

16“Cun tlangbawi Aaron fapa Eleazar cu van awk ca i chiti, rimthawmi zihmui, hun camcinmi changvut thawinak le thuhnak chiti cu a zohkhenhtu a si lai, puan biakinn a dihlak in le a chung i a ummi thil vialte le, hmunthiang le a thilthuam vialte zohkhenh zong a si lai.”

17Bawipa nih Moses le Aaron cu a chawnh hna i, 18“Kohath chung hna phun cu Levi mi hna chungin lohter hna hlah u; 19thil thiang bik pawng an rat tikah an nun i an thih nakhnga lo, annih cu hitihin nan va ti hna lai: Aaron le a fapa hna kha an lut lai i an rian cio le an phorh ding thil cio kha an thiah hna lai, 20sihmanhsehlaw a thiangmi thil hna zoh awkah, caan tawite ca hmanh a si ah, annih an lut lai lo, an thi sual lai,” tiah a ti.

21Bawipa nih Moses cu a chawnh i, 22“Gershon fapa hna zong kha rel tuah hna, an chung ning cio le an phun ning cio ah; 23kum sawm thum ri in kum sawm nga tiang, na rel hna lai, rianòuannak ah a lut khomi vialte, tonnak thlam chung i rian òuan awkah. 24Mah hihi Gershon chung hna an rian cu a si lai, rianòuannak le thil phorhnak ah: 25puan biakinn puanzar le tonnak thlam a khuh he, cun a cung i a ummi tuu phaw in sermi khuhnak, cun tonnak thlam innka zar, 26tual kulhnak puanzar, cun puan biakinn le biakòheng velchum i a ummi tual kutka luhnak puanzar, cun an hri le an rianòuannak ca i thilthuam vialte; cun cu hna he aa pehtlai in a herhmi vialte cu an tuah lai. 27Gershon fapa hna an rian vialte cu Aaron le a fapa hna nawl in a si lai, an phorh awk hnga vialte ah siseh, an tuah awk hnga vialte ah siseh; cun an phorh awk hnga vialte cu anmah rian ah na hluai lai. 28Mah hihi Gershon mi hna an fapale hna i an chung cio in, tonnak thlam chungah an rian cu a si, cun an rian cu tlangbawi Aaron fapa Ithamar nih a zoh lai.

29Merari fapa hna tu cu an chung ning cio le an phun ning cio in na rel hna lai; 30kum sawm thum ri in kum sawm nga tiang, na rel hna lai, rianòuannak chungah a lut khomi paoh tonnak thlam rianòuan awkah cun, na rel hna lai. 31Mah hihi phorh awkah annih thiahmi cu a si, tonnak thlam chung i an rianòuannak a ning khan ah: puan biakinn a tungtlang hna, a fung hna le, a tung hna le a hram hna he tiah, 32cun tual velchum i a ummi tung hna, an hram hna he an khenhteo hna he an hri hna he, an thilthuam vialte le an thilri vialte he tiah; cun annih kha phorh awk fialmi thil hna cu an min in na thiah hna lai. 33Tlangbawi Aaron fapa Ithamar kut tangah Merari fapa hna chunglei i an rian, tonnak thlam chung i an rianòuanmi cu a dihlak in, mah hihi a si,” tiah a ti.

34Cun Moses le Aaron le mibu a hruaitu hna nih cun Kohath fapale hna cu an chung ning cio le an phun ning cio ah an rel hna, 35kum sawm thum ri in kum sawm nga tiang, tonnak thlam chung i rianòuan awkah, rianòuannak chung i a lut khomi paohpaoh; 36cun a chungchung in an relmi hna cu thong hnih, za sarih le sawm nga an si. 37Bawipa nih Moses in nawl a pekmi bangin Moses le Aaron nih an relmi hna, tonnak thlam chung i rian a òuanmi vialte, Kohath mi hna chungle hna cu mah zat hi an si.

38Gershon fapa hna, an chung ning cio le an phun ning cio ah, 39kum sawm thum ri in kum sawm nga tiang, tonnak thlam chung rianòuan awk ca i rianòuannak i a lut khomi paohpaoh, 40an chung cio le an phun ning cio in rel ah thong hnih, za ruk le sawm thum an si. 41Bawipa nawl peknak bangin Moses le Aaron nih an relmi hna, tonnak thlam chung i rian a òuanmi vialte, Gershon fapa hna i chungle hna cu mah zat hi an si.

42Merari i fapa hna chungle hna cu an chung ning cio le an phun ning cio in, 43kum sawm thum ri in kum sawm nga tiang, tonnak thlam chung i rianòuan awk ca i rianòuannak i a lut khomi paohpaoh, 44a chungchung in rel ah thong thum le za hnih an si. 45Bawipa nih Moses in nawl pekmi bangin Moses le Aaron nih an relmi hna Merari fapa hna chungle cu mah zat hi an si.

46Levi mi hna chung i relmi vialte, Moses le Aaron le Israel mi hna hruaitu hna nih an relmi, an chung cio ningin le an phun cio ningin, 47kum sawm thum ri in kum sawm nga tiang, tonnak thlam chung i òuan awk rian le phorh awk rian òuan awk ca i a lut khomi, 48annih lak i relmi hna cu thong riat le za nga le sawm riat an si. 49Moses in pekmi Bawipa nawlbia bangin thiah an si, anmah le an rian cio ah khan, rian òuan siseh, thil phorh siseh; cu bangin annih cu a rel hna, Bawipa nih Moses nawl a pek bang khan, a rel hna.

Hakha Common Language Bible

© Bible Society of Myanmar 2006

More Info | Version Index