Search form

NAMBAR 5

Riahhmun In A Thiang Lomi Chuahnak

1Bawipa nih Moses cu a chawnh i, 2“Riahhmun lengah thinghmui zawtnak a ngei paoh le, thil chuak a ngei paoh le miruak he i tawnghnak in a thiang lomi vialte cu an chuah hna nakhnga nawl pe hna; 3pa siseh nu siseh na chuah hna lai, riahhmun lengah na chuah hna lai, zeitintiah a laifang i ka umnak an riahhmun cu an thurhhnawmh nakhnga lo,” tiah a ti. 4Cu bangin Israel mi nih an tuah i riahhmun lengah an chuah hna; Bawipa nih Moses a chimh bangin, cu bangin Israel mi nih an tuah.

Rulhnak Phung

5Cun Bawipa nih Moses cu a chawnh i, 6“Israel mi cu va chim hna, Pa nih siseh nu nih siseh a minung hawi cungah òhat lonak a tuah i cu a tuahmi thawngin Bawipa he bia i kamnak kha a rawk i a tuahtu nih cun a sualnak kha a hngalh tikah, 7sualnak a tuahmi cu a phuan lai i a sualnak caah cun tling tein rulhnak a tuah lai; cheu nga cheu khat a chap lai i a cung i sualnak a tuahnak mi kha a pek lai. 8Asinain, sualnak tuahmi ca rulhnak cohlangtu ah mipa nih khan rualchan a ngeih lo ahcun, sualnak tuahmi ca rulhnak kha Bawipa sinah tlangbawi caah a kal lai, remnak tuukawng, amah ca i remnak sernak hleiah khan. 9Cun pekchanhmi thil vialte, Israel mi hna thil thiang vialte, tlangbawi sin i an rak putmi hna cu, amah ta an si lai; 10mi kip i an thil thiang hna cu amah ta an si lai; mi zeihmanh nih tlangbawi an pekmi thil cu a zeihmanh amah ta a si lai,” tiah a ti.

Lunghrinhnak Kong I Phung

11Cun Bawipa nih Moses cu a chawnh i, 12“Israel mi cu va chim hna, Mipa pakhatkhat cu a nupi nih hei pialtak seh law, a cungah zumhawktlak loin thil tuah seh law, 13mipa pakhatkhat nih pum duhnak in ihpi seh law, a va nih hngal òung hlah seh law, amah cu aa thurhhnawmh cang nain puang òung loin a um lioah khan, tlaih a si lo caah amah cungah tehte um òung hna hlah seh law; 14cun a va cungah lunghrinnak lungthin a tlun i aa thurhhnawmh cangmi a nupi kha a lunghrinh ahcun, asiloah lunghrinnak lungthin cu a cungah a tlung i a nupi cu aa thurhhnawmh lo nain a lunghrinh ahcun, 15khi tikah mipa nih a nupi cu tlangbawi sinah a ratpi lai i amah kongah a herhmi pekchanhnak kha a rak put lai, cucu barli dip ephah cheu hra cheu khat a si lai; chiti a toih lai lo, frankinsen zong a toih lai lo, zeicahtiah lunghrinh changvut thawinak, hngalh òhannak changvut thawinak a si; òhat lonak hngalh òhanternak caah a si.

16“Cun tlangbawi nih nu cu hmaiah a ratpi lai i Bawipa hmaiah khan a dirter lai; 17cun tlangbawi nih tlak um in ti thiang kha a lak lai i puan biakinn òuang i leidip kha tlawmpal in a lak lai i ti chungah cun a paih lai. 18Cun tlangbawi nih minu kha Bawipa hmaiah a dirter lai, a sam kha a phoih lai i a kut chungah hngalh òhannak changvut thawinak kha a chiah lai, mah cucu lunghrinnak changvut thawinak kha a si. Cun a kut in tlangbawi nih cun khaatnak ti, chiatnak a tluntertu cu, aa put lai. 19Cun tlangbawi nih minu cu chiat hi bangin a serter lai i, ‘Nangmah nih na va nawlngeihnak toiah na um lioah ahohmanh nih an in ihpi lo i thurhhnawmhnak leiah naa mer lo ahcun, hi khaatnak ti, chiatnak a tluntertu hin luat ko. 20Sihmanhsehlaw na va nawlngeihnak toiah na um nain, na rak pial i na rak i thurhhnawmh i na va hleiah mipa pakhatkhat nih an ihpi ahcun, 21cu ti a si ahcun, (tlangbawi nih minu cu chiat cu serter seh law, minu sinah chim seh) ‘Na mi hna lakah Bawipa nih nangmah cu chiathrutnak in inter seh, Bawipa nih na phei kha a tlonghter i na pum kha a phinter tikah; 22hi chiathrutnak a tlunhtu ti hi na paw chungah lut seh law, na pum cu phinter seh law, na phei cu tlonghter seh,’ tiah a ti lai. Cun minu nih cun, ‘Amen, Amen,’ a ti lai.

23“Cun tlangbawi nih hi chiatsernak bia hna cu cauk chungah a òial lai i khaatnak ti chungah khan a tlengh hna lai; 24cun minu kha chiatnak a tlunhtu khaatnak ti kha a dinter lai i chiatnak a tluntertu ti kha a chungah a lut lai i nganfahnak a pek lai. 25Cun tlangbawi nih minu kut chung khan lunghrinh changvut thawinak kha a lak lai i changvut thawinak cu Bawipa hmaiah a hninh lai i biakòheng ah a rak put lai; 26cun tlangbawi nih, cu changvut thawinak hngalh camcinnak caah cun, changvut thawinak cu pei khat in a lak lai i biakòheng cungah a khangh lai i a hnuah nu cu ti kha a dinter lai. 27Cun minu kha ti cu a dinter tikah, amah kha a rak i thurhhnawmh i a va toiah zumh awk tlak loin a rak um ahcun, chiatnak a tlunhtu ti cu a chungah a lut lai i a ngan a fahter lai i a pum cu a phing lai i a phei cu a tlong lai i, cu nu cu a mi hna lakah chiathrutnak a ingmi ah a cang lai. 28Sihmanhsehlaw minu cu a rak i thurhhnawmh lo i a thian ko ahcun, cu ti a si ahcun amah cu a luat lai i fa a hrin hna lai.

29“Mah hihi lunghrinhnak kong i phungbia cu a si, nu nih a va nawl ngeihnak toiah a um nain a pial i aa thurhhnawmh tikah siseh, 30asiloah, pa cungah lunghrinnak thinlung a tlun i a nupi kha a lunghrinh tikah siseh; khi tikah minu cu Bawipa hmaiah a dirter lai i tlangbawi nih mah phungbia vialte hi minu cungah cun a tuah lai. 31Pa cu òhat lonak in a luat lai, sihmanhsehlaw nu nih cun a òhat lonak cu a in lai,” tiah a ti.

Hakha Common Language Bible

© Bible Society of Myanmar 2006

More Info | Version Index