Search form

SALMOS 114

Tyiꞌtɨ́j maj atamuaꞌreꞌrii matɨꞌɨj eeráacɨj aꞌájna a Egipto

1Tɨꞌɨj ɨ Israel, chiꞌraꞌan aꞌɨ́jcɨ ɨ Jacob,

eerájraa aꞌájna a Egipto, aꞌɨ́jcɨ japua ɨ chuéj tɨ quee jamuaꞌtyej,

2Judá pu aꞌɨ́ɨn puéꞌeenyeꞌej jaꞌraa ɨ tyeyúujraꞌ aꞌɨ́jcɨ ɨ Tavástaraꞌ,

Israel pu ijta jimi tyuꞌtaꞌíjtacaꞌ.

3Tɨꞌɨj ɨ jájrij jaaséj aꞌɨ́jcɨ ɨ Israel, aꞌɨ́ɨ pu huatóoꞌuj,

ajta aꞌɨ́jna ɨ játyaꞌnaj Jordán tɨ ántyapuaj juhuáritaꞌ pu huariáꞌraa.

4¡Ɨ jɨríj tɨ cɨleꞌnyeꞌej séejreꞌ ajta tɨ ajtɨ́tɨꞌɨjmee

aꞌyaa mu tyityájtzunaxɨj matɨꞌɨj ɨ cányaꞌxɨɨ!

5¿Tyiꞌtanyí jeꞌej muáaruuj, jájrij, patɨꞌɨj pij huatáꞌuj?

¿Tyiꞌtanyí jeꞌej muáaruuj, Jordán, pej pij ahuáritaꞌ huariáꞌraa?

6¿Tyiꞌtanyí jeꞌej huarɨ́j, aꞌɨ́jcɨ jitze ɨ jɨríj tɨ cɨ́leꞌen ajta ɨ tɨ ajtɨ́tɨꞌɨjmee,

siaj sij aꞌyan tyityájtzunaxɨj matɨꞌɨj ɨ cányaꞌxɨɨ?

7¡Pataꞌaj huatyéꞌvivaaxɨꞌɨn muáaj, chuéj,

aꞌɨ́jcɨ jimi ɨ Tavástaraꞌ, Dios raꞌ aꞌɨ́jcɨ ɨ Jacob!

8¡Aꞌɨ́ɨ pu jaatyáꞌ alaguuntacaꞌ aꞌɨ́jcɨ ɨ apuéerij!

¡Ajta tyuꞌtáꞌ tɨꞌij arámuaacaj joꞌtɨj joꞌtyetyéj tzajtaꞌ!