Search form

SALMOS 121

Tavástaraꞌ pu aꞌɨ́ɨn puéꞌeen ɨ tɨ tyámuaꞌ tyíꞌmuachaꞌɨj

Cuíinarij ɨ maj jɨn huatyáajuꞌun

1Nyatɨꞌɨjta ɨ jɨríj huaséj aꞌyaa nu tyuꞌtaxájtaj tɨjɨn:

“¿Joꞌnyij jeꞌréꞌnyesij ɨ tɨ naatyáhuɨɨreꞌej?”

2Tavástaraꞌ jimi pu joꞌvaꞌmaꞌaj taꞌmej ɨ tɨ naatyáhuɨɨreꞌej,

aꞌɨ́jna ɨ tɨ jaatyátaahuacaꞌ ɨ tajapuá tɨ séejreꞌ ajta ɨ cháanacaj.

3¡Capu aꞌnáj tyuꞌtáꞌsij pej pij eetávetyij!

¡Capu aꞌnáj huatácusij aꞌɨ́jna ɨ tɨ muachaꞌɨj!

4Capu, capu aꞌɨ́ɨn aꞌnáj tyácusij;

capu aꞌnáj tyácusij aꞌɨ́jna ɨ tɨ huaꞌajséejra ɨ Israel maj jitze ajtyámaꞌcan.

5Tavástaraꞌ pu aꞌɨ́ɨn puéꞌeen ɨ tɨ muachaꞌɨj;

Tavástaraꞌ pu aꞌɨ́ɨn puéꞌeen ɨ tɨ quee tyuꞌtáꞌsij tɨꞌij tyiꞌtɨ́j jeꞌej muaꞌuurej,

ɨ tɨ véjriꞌ aꞌjimi séejreꞌ tɨꞌij muaatáhuɨɨreꞌen.

6Capu ɨ xɨcáj jeꞌej muaꞌuurej tɨꞌɨjta tújca putyiꞌrɨjcáj,

capu ajta ɨ máxcɨrɨeꞌ tɨꞌɨjta huatɨ́caꞌaj.

7Tavástaraꞌ pu néijmiꞌi jɨn tyámuaꞌ tyíꞌmuachaꞌɨj;

aꞌɨ́ɨ pu jachaꞌɨj aꞌ júuricamej.

8Tavástaraꞌ pu muachaꞌɨj joꞌtɨj naꞌaj paj joomaꞌaj puáꞌmej ɨ juyéj jitze,

ijíij ajta jusén jɨmeꞌ.