Search form

SALMOS 144:10-11

10-11Muáaj, mu paj huaꞌtáꞌcaa mej mij tyuꞌtyámueꞌtɨn ɨ maj rey jɨn tyityetyuꞌuj;

muáaj, mu paj japuan huatanyúj aꞌɨ́jcɨ ɨ David muéetzij tɨ muahuɨɨreꞌ,

nyajapuáj paj huatányuunyij aꞌɨ́jcɨ jimi ɨ náhuaaj tɨ tyuꞌjéꞌcaj;

nyajapuáj paj huatányuunyij aꞌɨ́jcɨ jimi ɨ maj jɨn uhuácacaꞌnyeꞌej aꞌɨ́ɨmaj ɨ tyeɨ́tyee nyaj quee huáꞌmuajtyej,

ɨ maj hueꞌtzij jɨn tyíꞌxaj

majta ajméjcaꞌtacaa mej mij hueꞌtzij jɨn tyuꞌtaxáj.

12Aꞌɨ́ɨmaj ɨ tayójmuaꞌ aꞌyaa mu tyíꞌtyahuoseꞌ tɨꞌɨj ɨ ítyeɨꞌrij tyej tyámuaꞌ tyíꞌuurej;

majta ɨ tayójmuaꞌ maj úucaa naa huaséꞌrihuaꞌan aꞌyájna tɨꞌɨj ɨ chiꞌij jitze tɨ arúuꞌpuꞌuj

ɨ tɨ jitzán aróocaꞌnyej aꞌɨ́jna ɨ tyeyúuj.