Search form

SALMOS 56

Dios jitze nu tyíꞌcaꞌnyej nyajta tyéꞌtyojtziꞌreꞌ ɨ nyúucariaꞌraꞌ

Ɨ tɨ aꞌɨ́jna jɨn antyúumuaꞌreej jeꞌej maj tyuꞌtáchuiicaj, aꞌɨ́jcɨ jɨmeꞌ ɨ chuíicarij tɨ aꞌyan ántyapuaj tɨjɨn: “Ɨ huaꞌ jáamuiꞌ aꞌɨ́ɨjma ɨ dioosij ɨ maj aꞌ ɨmuáj jáꞌsejreꞌ.” Ɨ nyúucarij tɨ naa huánamuajrii aꞌɨ́ɨn tɨ jariaꞌmuaꞌaj aꞌɨ́jna ɨ David, matɨꞌɨj aꞌɨ́ɨmaj ɨ filisteos jaatyéeviꞌ aꞌájna a Gat

1Nyaj Dios, náꞌancuꞌvaxɨꞌ nyéetzij,

jiꞌnye tyeɨ́tyee mu séejreꞌ maj nyamuarityeꞌ,

aꞌnáj tɨnaꞌaj mu nyenyoꞌsiꞌtyeꞌej majta jeꞌej puaꞌaj nyoorej.

2Aꞌnáj tɨnaꞌaj mu nyamuarityeꞌ aꞌɨ́ɨmaj ɨ maj nyéjchaꞌɨɨreꞌ,

jéehua mu ɨ maj ootzáahuatyeꞌej nyenyoꞌsiꞌtyeꞌej.

3Nyatɨꞌɨjta tyíꞌtzɨɨnyeꞌej, muéetzij jimi nu tyíꞌcaꞌnyej.

4Dios jitze nu tyíꞌcaꞌnyej nyajta ɨ nyúucariaꞌraꞌ tyíꞌtyojtziꞌreꞌ,

Dios jitze nu tyíꞌcaꞌnyej aꞌɨ́j nu jɨn quee tyíꞌtzɨɨnyeꞌ.

¿Tyiꞌtanyí jɨn jeꞌej puaꞌaj nyaꞌuurej ɨ tyáatɨꞌ?

5Aꞌnáj tɨnaꞌaj mu tyíꞌnyapuejtyeꞌ aꞌɨ́jcɨ jɨmeꞌ jeꞌej maj tyíꞌnyejee,

aꞌɨ́j muꞌuj curiaꞌmuaꞌsij mej mij jeꞌej puaꞌaj náaꞌuurej.

6Aꞌyaa mu juꞌ avaaj majta ajcaꞌhuáye,

aꞌɨ́ɨ mu nyacújtaꞌ curiaꞌjuꞌ,

aꞌyaa mu mij tyiꞌijchóꞌveꞌ aꞌtzáaj maj naajéꞌcaj.

7¿Nyiquij huaꞌ huɨɨreꞌen aꞌɨ́jcɨ jimi ɨ maj jɨn jeꞌej puaꞌaj rɨcɨj?

Nyaj Dios, huoꞌtyáxaahuataj aꞌɨ́jcɨ jɨmeꞌ ɨ paj jɨn nyúꞌcamuɨꞌ aꞌɨ́ɨjma ɨ tyeɨ́tyee.

8Muáaj paj jamuaꞌreej aꞌchu nyaj nyeríj puaꞌmáj huatányaꞌuj,

muáaj paj jasɨɨreꞌ pajta jamuaꞌreej nyatɨꞌɨjta eetajaꞌraꞌtajyiꞌcan.

¿Caꞌ quee áꞌyuꞌsiꞌij aꞌyuꞌxaa jitze?

9Aꞌɨ́ɨmaj ɨ maj nyéjchaꞌɨɨreꞌ aꞌɨ́ɨ mu nye jimi huatóoꞌuunaj

nyatɨꞌɨj nyáaj muaatáhuavii paj naatáhuɨɨreꞌen.

Nyáaj nu tyámuaꞌ naa tyáꞌmuaꞌreej tɨ ɨ Dios naatyáhuɨɨreꞌej.

10Dios jitze nu tyíꞌcaꞌnyej nyajta ɨ nyúucariaꞌraꞌ tyíꞌtyojtziꞌreꞌ,

nyáaj nu Tavástaraꞌ jitze tyíꞌcaꞌnyej nyajta ɨ nyúucariaꞌraꞌ tyíꞌtyojtziꞌreꞌ,

11Dios nu jitze tyíꞌcaꞌnyej aꞌɨ́j nu jɨn quee tyíꞌtzɨɨnyeꞌ.

¿Tyiꞌtanyí jɨn jeꞌej puaꞌaj nyaꞌuurej ɨ tyáatɨꞌ?

12Tyiꞌtɨ́j nyaj jɨn muéetzij jimi tyaꞌtányaratziiriꞌ, nyaj Dios,

aꞌyaa nu tyimuaꞌráꞌastijreꞌej nyetyiꞌchuíicaj,

13jiꞌnye nyajapuáj paj huatanyúj nyej nyij quee huámuɨꞌnyij,

jiꞌnye capáj tyuꞌtáꞌ nyej nyij tyiꞌtɨ́j jɨn ootyáꞌɨtzeereꞌen,

nyej nyij nyáaj aꞌáa jáꞌsejriaꞌaj joꞌtɨj jóꞌnyeeriꞌij ajta ɨ júuricamej aꞌáa jáꞌsejreꞌ,

aꞌájna joꞌtɨj ɨ Dios jáꞌsejreꞌ.