Search form

SALMOS 80

Tyámuaꞌ paj tojoꞌsejra

Ɨ tɨ aꞌɨ́jna jɨn antyúumuaꞌreej jeꞌej maj tyuꞌtáchuiicaj, aꞌɨ́jcɨ jɨmeꞌ ɨ chuíicarij tɨ aꞌyan huatóomuaꞌaj tɨjɨn “Ɨ tzuhuáa”. Jeꞌej tɨ tyiꞌtyúuchaꞌɨɨcaꞌaj ajta chuíicariaꞌraꞌ aꞌɨ́jcɨ ɨ Asaf

1Muáaj mu paj jachaꞌɨj ɨ Israel,

pajta tyámuaꞌ tyihuáꞌjuyetyej aꞌɨ́ɨjma ɨ maj José jitze eerámaꞌcan aꞌyájna tɨꞌɨj ɨ yaꞌmuáatyee tɨ sɨɨreꞌ,

majta aꞌɨ́ɨmaj tyámuaꞌ tyíꞌmuachaꞌɨj ɨ tajapuá maj tyíꞌhuɨɨreꞌ,

¡huánamuaj!

¡Tyámuaꞌ paj yóꞌsejraj aꞌɨ́jcɨ ɨ Efraín,

2ɨ Benjamín pajta aꞌɨ́jcɨ ɨ Manasés!

Huájɨsij pajta mujoꞌvéꞌmeꞌen pej pij tajapuá huatányuunyij aꞌɨ́jcɨ jɨmeꞌ ɨ paj néijmiꞌi jɨn putyíꞌuurej.

3Taj Dios, pajtáhuaꞌaj paj aꞌyan tyitaatyátoonyij tyatɨꞌɨj éenyeꞌej.

Tyámuaꞌ paj tojoꞌsejra aj puꞌij tahuɨɨreꞌen.

4Tavástaraꞌ, Dios mu paj néijmiꞌi jɨn antyíaꞌmuaꞌreej,

¿aꞌchunyéj pooj áꞌtyeeren penyuꞌcamuꞌuj

aꞌɨ́jcɨ jɨmeꞌ jeꞌej maj aꞌ jimi tyáꞌhuoo aꞌtyéɨtyeristyamuaꞌ?

5Muáaj paj taatáꞌ tyaj eetajaꞌraꞌtaxɨꞌɨn capáj cueꞌráj tyitaatáꞌ,

ajta tyej tyij aꞌɨ́j huayeꞌen, ɨ tyaj jéehua eetajaꞌraꞌtaxɨj.

6Aꞌyaa paj tyuꞌtáꞌ mej mij aꞌɨ́ɨmaj taatyáꞌaꞌtzej ɨ maj tajimí véjriꞌ antacháatɨmee,

aꞌɨ́ɨmaj mu majta taꞌaꞌtzej ɨ maj tájchaꞌɨɨreꞌ.

7Dios mu paj néijmiꞌi jɨn antyíaꞌmuaꞌreej,

¡pajtáhuaꞌaj paj aꞌyan tyitaatyátoonyij tyatɨꞌɨj éenyeꞌej!

¡Tyámuaꞌ paj tojoꞌsejra aj puꞌij tahuɨɨreꞌen!

8Aꞌáa paj a Egipto úuvaj ítyɨꞌriraꞌ jaꞌráapij,

pajta huiꞌráahuaꞌxɨj ɨ maj quee tyáꞌtzaahuatyeꞌ pej pij aꞌɨ́j atyáhuasteꞌen.

9Tyámuaꞌ paj jáaꞌuurijtze ɨ chuéj,

aꞌɨ́ɨ puꞌij aróonaanaꞌtyej ajta jeꞌen neíjmiꞌqueꞌ ɨ chuéj japua oorióonajchacaꞌ.

10Ajta ɨ juquéenyiꞌistaa jɨn tyaꞌváꞌnaj ɨ jɨríj,

ajta ɨ juxámueꞌ jɨmeꞌ ɨ tɨ tyuꞌuj tɨ jéetzeꞌ tyoꞌhuatɨ́tɨꞌɨjmee.

11Ajta ɨ xámueꞌraꞌ aꞌáa pu ɨ jájrij jitze ɨmuáj jaꞌráꞌaj,

ajta ɨ tɨ jitzán ajtanyáxɨj aꞌáa pu jaꞌráꞌaj ɨ játyaꞌnaj jitze tɨ aꞌyan ántyapuaj tɨjɨn Éufrates.

12¿Jiꞌnye pej pij jaatyúꞌuj ɨ tɨ jɨn curiáꞌnamiꞌ,

pajta tyuꞌtáꞌ mej mij jáajuuraj ɨ maj mu jóꞌcɨꞌɨj ɨ juyéj jitze?

13Aꞌɨ́ɨ pu ɨ tuíixuj yójve tyojóꞌjɨpuaj,

¡majta ɨ tyiꞌtyán simuáruunyij jimi jeꞌej puaꞌaj tyíꞌuurej!

14Dios mu paj néijmiꞌi jɨn antyíaꞌmuaꞌreej, pataꞌaj cuiꞌ huariaꞌraꞌnyij,

tyámuaꞌ paj naa tyitaaséj aꞌájna ɨmuáj u tajapuá

pajta huaꞌ jimi tyúꞌmuaꞌtyij aꞌtyéɨtyeristyamuaꞌ,

15aꞌɨ́jcɨ ɨ ítyɨꞌrij muáaj paj pajta jaꞌtyáhuiij,

pajta tyámuaꞌ jáaruuj ɨ tɨ jitzan eeréꞌnyej.

16Pataꞌaj aꞌɨ́jna jɨn huaꞌantyipuáꞌrityeꞌen ɨ paj jɨn nyúꞌcamuɨꞌ

aꞌɨ́ɨjma ɨ maj jaꞌantyiveꞌchej majta jeꞌen jatɨeeraj,

17pajta jaatyáhuɨɨreꞌen aꞌɨ́jcɨ ɨ tyévij muáaj paj jaꞌantyíhuoj,

aꞌɨ́jna ɨ tɨ eeráanyej aꞌɨ́jcɨ jitze ɨ tyévij muáaj paj tyámuaꞌ tyeetyájtoo,

18tyataꞌaj tyij quee cheꞌ aꞌnáj aꞌ jimi ajtacɨ́ꞌcaꞌan.

¡Júuricamej paj taatáꞌan, aj tu tyij muéetzij tyanaꞌaj tyij muaatyánajchij!

19Muáaj Tavástaraꞌ, Dios mu paj néijmiꞌi jɨn antyíaꞌmuaꞌreej,

¡pajtáhuaꞌaj paj aꞌyan tyitaatyátoonyij tyatɨꞌɨj éenyeꞌej!

¡Tyámuaꞌ paj tojoꞌsejra aj puꞌij tahuɨɨreꞌen!