Search form

ᑭᔅᑫᓕᑖᑯᑖᑫᐎᓐ 15

ᐊᓂᑭ ᐁᓐᒐᓚᒃ ᐊᔑᒋ ᐊᓂᐃ ᒫᒋᒡ ᐊᑯᐃᑖᔅᐱᓀᐎᓇ

1ᓂ ᑮ ᐙᐸᑌᓐ ᒫᑲ ᑯᑕᒃ ᑭᔅᑭᓄᐙᒋᒋᑲᓐ ᑭᒋᑭᔑᑯᒃ, ᐁ ᑭᒋᐃᑌᓕᑖᑾᒃ ᓀᔥᑕ ᐁ ᒫᒪᔅᑳᑌᓕᑖᑾᒃ, ᓂᔂᔅ ᐁᓐᒐᓚᒃ ᐁ ᐋᔮᒋᒃ ᐊᓂᐃ ᓂᔂᔅ ᒫᒋᒡ ᐋᑯᐃᑖᔅᐱᓀᐎᓇ; ᐌᓴ ᐁᑯ ᐁ ᑭᔑᑖᓂᐗᓂᓕᒃ ᑭᒋᒪᓂᑐ ᐅᑦ ᐋᑯᓚᐌᓯᐎᓐ᙮

2ᓂ ᑮ ᐙᐸᑌᓐ ᒫᑲ, ᒫᓇ ᐱᑯ ᑭᒋᑲᒥ ᐁᑯᑕ ᐁ ᐃᑕᑾᒃ ᐙᓭᓂᑖᑲᓐ ᐁ ᑭᓕᑲᐎᓂᑳᑌᒃ ᐃᔥᑯᑌᒃ: ᐊᓂᑭ ᒫᑲ ᑳ ᑭ ᔖᑯᒋᐋᒋᒃ ᐊᐌᓯᓴ ᓀᔥᑕ ᐅ ᒪᓯᓕᓕᒥᓕᐗ, ᓀᔥᑕ ᐅ ᑭᔅᑭᓄᐙᒋᐅᓂᓕᐤ, ᓀᔥᑕ ᐁ ᑕᑡᑭᒋᑳᑌᓕᒃ ᐅᑦ ᐃᔑᓂᑳᓱᐎᓐ, ᓂᐸᐎᐗᒃ ᐙᓭᓂᑖᑲᓂ ᑭᒋᑲᒥᒃ, ᐁ ᐊᔭᐙᒋᒃ ᑭᒋᒪᓂᑐᐗ ᐅ ᑭᑐᒋᑲᓂᓕᐗ᙮ 3ᓂᑲᒧᐗᒃ ᒫᑲ ᐅ ᓂᑲᒧᐎᓐ ᒧᓯᔅ ᐅᑦ ᐊᑑᔅᑫᓛᑲᓂᒪ ᑭᒋᒪᓂᑐ, ᓀᔥᑕ ᐅ ᓂᑲᒧᐎᓐ ᒫᓂᔥᒑᓂᔑᔥ, ᐁ ᐃᑗᒋᒃ:

ᑭᒋᐃᑌᓕᑖᑾᓋ ᓀᔥᑕ ᒫᒪᔅᑳᑌᓕᑖᑾᓋ ᑭᑦ ᐊᑑᔅᑫᐎᓇ, ᑌᐯᓕᒋᑫᔭᓐ ᑭᒋᒪᓂᑐ ᒥᓯᐌ ᓯᔭᑳᑎᓯᔭᓐ; ᒀᔭᔅᑾᓋ ᓀᔥᑕ ᑕᐺᐗᓋ ᑭᑦ ᐃᔑᑣᐎᓇ ᑳ ᐅ ᑭᒋᐅᑭᒫᒥᒥᔅᑭᒃ ᑳ ᑕᑐᔅᑳᓀᓯᒋᒃ ᐃᓕᓕᐗᒃ᙮ 4ᐊᐌᓇ ᐁᑳ ᑫ ᓇᓂᒌᔅᑖᔉ, ᐅ ᑌᐯᓕᒋᑫᔭᓐ, ᓀᔥᑕ ᑭᔅᑖᒋᑕᒃ ᑭᑦ ᐃᔑᓂᑳᓱᐎᓂᓕᐤ? ᐌᓴ ᑭᓚ ᐱᑯ ᑮ ᐸᓓᑭᓯᓐ: ᐌᓴ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᑮ ᑳ ᐯᒋ ᓇᐗᑮᔅᑖᑾᒃ; ᐌᓴ ᑮ ᑎᐹᔅᑯᓂᑫᐎᓇ ᐹᔭᑌ ᓄᑯᑖᓂᐗᓋ᙮

5ᑳ ᐳᓂᐸᓕᒃ ᐅᒪ ᓂ ᑮ ᐃᑖᐱᓐ, ᒫᑎᑲ ᒫᑲ, ᑭᒋᐋᔭᒥᐁᐎᑲᒥᒃ ᐁ ᑎᐹᒋᒧᐎᓂ ᒥᑭᐙᒥᐗᒃ ᑮ ᐹᔅᑭᓂᑳᑌᐤ ᑭᒋᑭᔑᑯᒃ: 6ᐊᓂᑭ ᓂᔂᔅ ᐁᓐᒐᓚᒃ ᒫᑲ ᑭᒋᐋᔭᒥᐁᐎᑲᒥᑯᒃ ᑮ ᐅᒋ ᐗᓚᐎᐗᒃ, ᐁ ᐋᔮᒋᒃ ᐊᓂᐃ ᓂᔂᔅ ᐋᑯᐃᑖᔅᐱᓀᐎᓇ, ᐁ ᑭᑭᔥᑲᑭᒃ ᑳ ᐸᓓᑲᓂᓕᒃ ᐙᐱᔅᑫᑭᓂᓕᐤ, ᓀᔥᑕ ᐅᔅᑳᔅᑭᑲᓂᐙᒃ ᑮ ᐸᒀᑌᐅᐗᒃ ᐅᓵᐎᔔᓕᐊᓈᐱᔉ ᐸᑾᑌᐅᐎᓇ᙮ 7ᐯᔭᒃ ᒫᑲ ᐊᓂᑭ ᓀᐤ ᐊᐌᓯᓴᒃ ᑮ ᒥᓓᐤ ᐊᓂᐃ ᓂᔂᔅ ᐁᓐᒐᓚ ᓂᔂᔅ ᐅᓵᐎᔔᓕᐋᓈᐱᔉ ᐅᓛᑲᓂᔕ ᐁ ᓵᑲᔅᑭᓀᑭ ᐅᑦ ᐋᑯᓚᐌᓯᐎᓐ ᑭᒋᒪᓂᑐ ᑳ ᐱᒫᑎᓰᑦ ᑳᑭᑫ ᓀᔥᑕ ᑳᑭᑫ᙮ 8ᑭᒋᐋᔭᒥᐁᐎᑲᒥᒃ ᒫᑲ ᑮ ᓵᑲᔅᑭᓀᐤ ᐁ ᐊᒀᐸᑌᒃ ᑳ ᒪᒋᐸᓕᒃ ᑭᒋᒪᓂᑐ ᐅ ᑭᔅᑌᓕᑖᑯᓯᐎᓂᒃ ᓂᔥᑕ ᐅ ᑲᔥᑭᐅᐎᓂᒃ; ᓇᒪᐎᓚ ᐊᐌᓇ ᐃᓕᓕᐤ ᒫᑲ ᑮ ᑲᔥᑭᑕᐤ ᑭᒋ ᐱᑐᑫᑦ ᑭᒋᐋᔭᒥᐁᐎᑲᒥᑯᒃ, ᐹᑎᒪ ᑮ ᑎᐱᐸᓕᓕᒀᐌ ᐅᑦ ᐋᑯᐃᑖᔅᐱᓀᐎᓂᐙᐗ ᐊᓂᑭ ᓂᔂᔅ ᐁᓐᒐᓚᒃ᙮