Search form

Y Salmau 129

SALM CXXIX

Sape expugnauerunt.

Cynghori y mae i’r eglwys ymlawenhau, er bod erlidwyr ym mhob oes. Duw a’i gweryd hi, ac a fathr ei chaseion.

1Llawer gwaith cefais gystudd mawr,

Israel yn awr dyweded,

O’m hieuenctyd hyd yr awr hon,

fe wyr fy mron eu trymed.

2A llawer gwaith y cefais lid,

o’m gwan ieuengctid allan:

A blin gystudd ar lawer tro,

ac etto ni’m gorfuan’.

3Yr arddwyr arddent y cefn mau,

drwy rhwygo cwysau hirion:

4Y cyfion Ner torrodd yn frau,

bleth-didau’r annuwiolion.

5Pa rai bynnag a roesant gâs

ar degwch dinas Seion,

Gwradwydder hwynt, cilient iw hol,

y rhai annuwiol creulon.

6Byddant fel y glâs wellt a fai

ar bennau tai yn tyfu,

Yr hwn fydd, cyn y tynner fo,

yn gwywo, ac yn methu.

7Ni leinw’r medelwr ei law,

ni chair o honow ronyn:

I’r casclwyr nis tal ddim mo’i droi,

na’i drin, na’i roi mewn rhwymyn.

8Fel na bai byth gwiw gan y rhai

ar a dramwyai heibio,

Ddwedyd unwaith, Duw a ro llwydd,

neu’r Arglwydd a’ch bendithio.

Salmau Cân 1621

© Cymdeithas y Beibl 2017

More Info | Version Index