Search form

Y Salmau 150

SALM CL

Laudate Dominum.

Mae yn annog i foli Duw yn ddibaid â phob cerdd, am ei weithredoedd mowrion.

1Molwch Dduw yn ei gyssegr len,

sef ei ffurfafen nerthol,

2Molwch ef iw gadernid llym,

ac amlder grym rhagorol.

3Ar lais udcorn rhowch y mawl hyn,

ar nabl, telyn, Tympan.

4Molwch chwi ef â llawn glod glau,

a thannau, pibell, organ.

5Ar symbalau molwch ef,

ar rhai’n â’i llef yn sein-gar:

O molwch ef â moliant clau,

ar y Symbalau llafar.

6Holl bethau (molent unduw byth)

sydd ynthynt chwyth y bywyd.

Rhoent gyd-gerdd foliant i barhau:

clodforwn ninnau hefyd.

Gogonedd a fytho i’r Tâd,

i’r Mab rhad a’r glân Yspryd:

Mal y bu, y mae, ac y bydd

yn Duw tragywydd hyfryd.

Terfyn Salmau Dafydd.

Salmau Cân 1621

© Cymdeithas y Beibl 2017

More Info | Version Index