Search form

Y Salmau 23

SALM XXIII

Dominus regit me.

Gobaith yn naioni Duw.

1Yr Arglwydd yw fy ’mugail clau,

ni âd byth eisiau arnaf:

2Mi a gâf orwedd mewn porfa frâs,

ar lan dwfr gloywlas araf.

3Fe goledd f’enaid, ac a’m dwg

rhyd llwybrau diddrwg cyfion,

Er mwyn ei enw mawr dilys

Fo’m tywys ar yr union.

4Pe rhodiwn (nid ofnwn am hyn)

yn nyffryn cysgod angau,

Wyd gyda mi, a’th nerth, a’th ffon,

ond tirion ydyw’r arfau:

5Gosodaist fy mwrdd i yn frâs,

lle’r oedd fy nghâs yn gweled:

Olew i’m pen, a chwppan llawn,

daionus iawn fu’r weithred.

6O’th nawdd y daw y doniau hyn

i’m canlyn byth yn hylwydd:

A minnau a breswyliaf byth

a’m nyth yn nhy yr Arglwydd.

Salmau Cân 1621

© Cymdeithas y Beibl 2017

More Info | Version Index