Search form

Y Salmau 70

SALM LXX

Deus in adiutorium.

Gweddi am gymmorth pryssur: ac yn erbyn ei elynion.

1Duw prysura i’m gwared i,

Ion, bryssia di i’m cymmorth.

2Gwarth a gwradwydd a ddel i’r blaid

a gais i’m henaid ammorth.

Drwy wradwydd troer y rhai a ddwg

i mi ddim drwg ewyllys.

3Mefl fo’i gwobr, a draeth hâ hâ,

am danaf yn ddirmygus.

4Y sawl a’th gais calonnog fydd,

o dra llawenydd ynod,

Dweded sawl a’th gâr bob amser,

mawrhyger ein Duw hynod.

5Minnau’n dlawd, ac yn druan sydd,

Duw brysia bydd yn agos:

Fy mhorth a’m ceidwad wyd yn wir,

(o Arglwydd) na hir aros.

Salmau Cân 1621

© Cymdeithas y Beibl 2017

More Info | Version Index