Search form

Y Salmau 79

SALM LXXIX

Deus, venerunt.

Achwyn rhag y dinistr a wnaethai Antiochus ar Deml Dduw a Jerusalem: a gofyn cymorth gan Dduw rhag ei orthrwm elynion.

1Llawer cenedl (o Dduw) a ddaeth,

i’th etifeddiaeth unig:

Rhoed Caerselem a’i chyssegr hi,

yn garneddi o gerrig.

2Rhoi cyrph dy weision,

wrth eu rhaid, i hediaid y ffurfafen:

I’nfeiliaid maes rhoi cig dy saint,

fel dyma fraint aflawen.

3Fel ffrydau dwfr tywallt a wnaed,

eu gwaed o amglch dinas

Caerselem, heb roi corph mewn bedd,

fel dyma ddiwedd atgas.

4Yn ddirmyg, gwradwydd, ac yn warth,

i bawb o’n pobparth ydym.

5O Dduw pa hyd? wyd byth yn ddig?

ai fel tân ffyrnig poethlym?

6Tywallt dy lid ar bobl estron,

rhai nid adwaenon m’onot:

Ac ar dyrnasoedd ni eilw,

(Duw) ar dy enw hynod.

7Cans wyrion Jagof (bobl oedd gu)

y maent iw hysu’n rhyfedd:

Ac a wnaethant i’r rhei’ni fod

preswylfod anghyfannedd.

8Na chofia’n camwedd gynt i’n hoes,

Duw bryssia moes drugaredd:

Dy nodded a’n rhagflaeno ni

sy’ mewn trueni’n gorwedd.

9O Dduw ein iechyd cymorth ni,

er mwyn dy fri gogonol:

A gwared er mwyn dy enw tau,

ni rhag pechodau marwol.

10Pan y gofynnant ple mae’n Duw,

dod arnynt amryw fformod:

I ddial gwaed dy ddwyfol blant,

ac yno cânt hwy wybod.

11Duw, doed ochenaid ger dy fron

dy garcharorion rhygaeth:

Ac yn dy ddirfawr ogoniant,

ymddiffyn blant marwolaeth.

12Ein cymdogion a’th gablodd di,

tâl i’r rhei’ni yn gwblol

Eu cabledd iw mynwesau’i hun,

o Arglwydd gun gorchestol.

13Ninnau dy bobl a’th ddefaid mân,

a wnawn yt gân ogonawl,

O oes i oes byth i barhau,

ac i’th fawrhau’n dragwyddol.

Salmau Cân 1621

© Cymdeithas y Beibl 2017

More Info | Version Index