Search form

Lucas 8:28-29

28-29Eropirã bajasuburi watẽa ĩgʉre ñearo mera ĩgʉ bʉrigã gorowerecʉ̃ ĩha masa ĩgʉre bihadoboriñorã. Eropigʉ ĩgʉ peresugue árĩgʉ ĩgʉ mojotorire guburire comedari mera erã diridigʉ árĩqueregʉ, ĩgʉ iridarire nuapʉ. Eropirã watẽapʉ ĩgʉre masa marirogue aĩgãñorã. Eropigʉ ĩgʉ Jesure ĩhametu turaro gaguinigui, Jesu pohro merejapʉ. Ĩgʉ eropa iicʉ̃ ĩagʉ Jesupʉ watẽare dorepʉ:

—Ihĩ mera árĩbiricãque. Waque watẽa, arĩpʉ.

Ĩgʉ eroparĩcʉ̃ peegʉ watẽa ñajasũdigʉpʉ turaro gaguinigui, serẽpipʉ Jesure:

—Jesu, ʉmaro majagʉ Goãmʉ magʉ, ¿ñehenore iibu iiri mʉhʉ yʉre? Yʉre ñero iibiricãque, arĩpʉ watẽa ñajasũdigʉpʉ.

30Ĩgʉ eroparĩcʉ̃ Jesupʉ serẽpipʉ ĩgʉre:

—¿Ñehmʉno waĩcʉri mʉhʉ? arĩpʉ.

Bajarã watẽa ĩgʉ mera árĩñorã. Eropigʉ õpa arĩpʉ erãre opagʉ.

—Watẽa bajarã waĩcʉa gʉa, arĩpʉ watẽa ñajasũdigʉpʉ.

Goãmʉ Yare Wereripʉ

Wycliffe Bible Translators, Inc.

More Info | Version Index