Search form

Romanos 15:18-19

18-19Judio masa árĩbirãre Cristo itamuri mera erãre yʉ buhecʉ̃ peerã, Cristore umupeoma. Eropirã masa árĩbirãre buhea yʉhʉ. Eropa buhecʉ̃ peerã judio masa árĩbirã Jesure umupeorãco yʉ õaro iiricʉrire ĩarã, Goãmʉ turari mera yʉ deyoro moarare ĩarã, Espíritu Santo ĩgʉ turari mera erã Cristore umupeoma. I árĩpehrerire mʉare diaye werediaca. Gajirã erã iirare werebeaa. Jerusaléngue ne yʉ buhenʉgara pʉhrʉ árĩpehreri macarigue buhe curibʉ. Yoarogue, Iliria yebague sãre Jesucristo ya buherire õari buherire buhegʉ ejabʉ. 20Eropigʉ Cristo yare masibirã dihtare õari buherire turaro buhediabʉ. Yʉ mera majarã erã buhenirãguere buhediabiribʉ.

Goãmʉ Yare Wereripʉ

Wycliffe Bible Translators, Inc.

More Info | Version Index