Search form

Luk int

A GANE KYƐYUOBU

A Yeezu Kirista Yelnoore A Luka Naŋ Sɛge wullee la ka Yeezu la a Izerayɛl biiri ane andonɛɛ zaa Faara na Naaŋmen naŋ da eŋ noɔre ka O na tere la. A Luka sɛgɛɛ la ka a Daana Vooroŋ la da boɔle a Yeezu ka O te “moɔle a Ŋmen-yelnoore ko a nembaalba.” (4:18). A yelnoore ŋa paale ne la nensaalba yelboɔre zaa maaloo yɛlɛ. A Luka Gane taa la popeɛloŋ yɛlɛ yaga, a gaŋ a zaa, a ganzuri dɛndɛŋ poɔ naŋ moɔlɔ a Yeezu waabo yɛlɛ ane a O tenvelaa duobu a gane baaroo poɔ. A Luka Gane manne la a Kiristaaloŋ yeldeebo baabo ane o ŋmɛyaaroo yɛlɛ, a Yeezu tenvelaa duobu puoriŋ a Apostoliimine Toma Gane poɔ.

A Luka Gane taa la lamboe ayi (ganzuri 1—2 ane 9—19) naŋ taa yɛlɛ naŋ be a Luka gane yoŋ poɔ: Aŋa a malekere yieluŋ, ane a pekyeemɛ naŋ da gaa te nyɛ a Yeezu dɔgebo. A Yeezu naŋ da be a Naaŋmen die poɔ O bile saŋ ane a Samareya dɔɔsoŋ na sekpɔgre, ane a bie naŋ bɔre sekpɔgre. A Luka Gane sɛge kyaare ne la puoruu, a Vooroŋ Soŋ, pɔgeba naŋ da toŋ ko a Yeezu ane Naaŋmen naŋ maŋ di suuri ko yelbe-erebɛ.

A Gane Poɔ Yɛlɛ Poŋ Tutaa

1. A Gane Kyɛyuobu 1:1-4

2. A Yeezu Ane Gyɔɔn Bati Dɔgebo Ane Ba Biiluŋ Saŋ Yɛlɛ 1:5—2:52

3. A Gyɔɔn Bati Naaŋmen Toma Tommo Yɛlɛ 3:1-20

4. A Yeezu Suobu Deebo Ane O Enyaabo Yɛlɛ 3:21—4:13

5. A Yeezu Naaŋmen Toma Tommo Yɛlɛ A Galili Poɔ 4:14—9:50

6. A Yeezu Toma A Yi Galili Te Tɔ Gyɛruzɛlɛm 9:51—19:27

7. A Yeezu Bebi-baare Toma A Gyɛruzɛlɛm Teŋɛ Poɔ Ane O Koŋkobo Yɛlɛ 19:28—23:56

8. A Daana Yeezu Kuuni Poɔ Leɛ-iruu Ane O Naŋ Wuli O Meŋɛ Ko O Potuuribo Ane O Tenvelaa Leɛ Duobu Yɛlɛ 24:1-53

Naaŋmen Nɔpaalaa Gane 2013

First New Testament in Dagaare Language © The Bible Society of Ghana, 2013.

More Info | Version Index