Search form

Lok fɔlɔ int

Kunnafoni

Masaw ka loon o loon kibaru kitabu fɔlɔ ni filanan bɛɛ tun ka kan ka kɛ kelen ye. Nga u tun te se ka kun sɛbɛ kelen kan minkɛ, o la, u y'a sɛbɛn sɛbɛ fila kan, a kɛra kitabu fila ye o cogo le la. Koo minw be sɔrɔ Samuyɛli ka kitabuw kɔnɔ, ni masacɛw taw la, olu le fɔra fana kitabu nin fɔlɔ ni filanan kɔnɔ. Nga kitabu nin sɛbɛnna ka di zuwifuw ma minw kɔsegira Zeruzalɛmu u minɛnin kɔ. A kɔnɔnakow sinnin be Zuda mara le ka koow ma.

Kitabu nin be daminɛ ni burujuko ye, k'a ta Adama ma fɔɔ ka n'a bila Sayuli ma (1—9). Sayuli ka sayako be sɔrɔ 10 kɔnɔ. Kitabu nin tɔɔ be Dawuda ka koo le fɔ: a sigiko masaya la, ani Zeruzalɛmu kɛko masadugu ye, o be sɔrɔ 11—12 kɔnɔ. Ala ka layidu taamasiɲɛ kɛsu nako Dawuda fɛ, o be sɔrɔ 13—16 kɔnɔ. Dawuda ka masaya, ni Alabatoso lɔko labɛnna cogo min na, o be 17—29 kɔnɔ. O kɔ, a sanin kɔ, a deen Solomani le ye soo nin lɔ Masa Ala ye. O be sɔrɔ Masaw ka loon o loon kibaru kitabu filanan kɔnɔ.

Masaw ka loon o loon kibaru kitabu kɔnɔ, Dawuda ka koo yirala i ko mɔgɔ min ye Ala bato a batocogo la. Dawuda ko Ala le ye Masa ye tigitigi. A ko:

«Boɲa y'i ta ye, Masaba,

see b'i ye, kunkɔrɔta ni nɔɔrɔ b'i kan.

Bari sankolofɛnw ni dugukolo taw bɛɛ ye i ta ye.

Masaba, kuntigiya y'e ta ye, i be fɛɛn bɛɛ sanfɛ.» (29.11)

Kitabu nin tilancogo

Adama kɔmɔgɔw, fɔɔ ka na se Sayuli ma 1.1—9.44

Sayuli n'a deenw ka sayako 10.1-14

Dawuda be kɛ masa ye 11.1-9

Dawuda ka kɛlɛdenw ɲamɔgɔw 11.10—12.40

Dawuda be na ni Ala ka layidu taamasiɲɛ kɛsu ye a ka soo 13.1—16.43

Dawuda deen Solomani le bena Alabatoso nin lɔ 17.1-27

Dawuda ye see sɔrɔ 18.1—20.8

Dawuda be Alabatoso lɔko labɛn 21.1—28.21

Mɔgɔw ka boɲafɛnw 29.1-20

Solomani be sigi masaya la 29.21-25

Dawuda ka sayako 29.26-30

ALA KA KUMA

© 2008 Alliance Biblique du Burkina Faso

More Info | Version Index