Search form

Kɛw int

Kunnafoni

Cidenw ka kɛwali kitabu ye Luka ka kitabu filanan ye. A ka kitabu fɔlɔ la, Yezu ye koo minw kɛ dugukolo kan, a b'o dama lo fɔ.

Kabini Yezu fosira ka taga sankolo la, a ka kalandenw t'a yera n'u ɲaa ye tugu, k'a sɔrɔ a b'u cɛma. A ka Nii Senuman lo b'u dɛmɛna koo bɛɛ la. U ye kibaru diman fɔ o Nii Senuman le barika la ani ka Krista ka jama sigi duguw la. U ye Nii Senuman sɔrɔ loon min na, mɔgɔ minw bɛɛ y'u ye ani k'u ka kuma mɛn, a tun kɛra kabako koo ye olu fɛ fɔɔ u tun be ɲɔgɔn ɲininga ko:

«Mɔgɔ minw be kumana wo, u bɛɛ te Galilekaw ye wa? A do kɛra di n'an bɛɛ b'u ka kuma mɛnna an ka kaan na?» (2.7-8)

Kitabu nin be kabako minw yira an na fana, o ye Piyɛri ni Zan ka kabakow ye ani u be Krista kɔmɔgɔw tɔɔrɔ k'u faga cogo min na. Pɔli min tun be Krista ka jama tɔɔrɔ fɔlɔ la, ale kɛra Krista ka ciden dɔ ye ka to ka kibaru diman fɔ yɔrɔ bɛɛ la Zuwifuw ka jamana na ani siya tɔw fɛ. Ale Pɔli yɛrɛ lo ye dugu caaman yaala ka kibaru diman fɔ ani ka Krista ka jama sigi yen.

Kitabu nin laban na, an b'a ye ko ale Pɔli minɛna ka don kaso la ka bila ka taga Ɔrɔmu dugu la. Hali k'a to kaso la, a tun be kibaru diman fɔ mɔgɔw ye.

Kitabu nin tilancogo

Yezu y'a daa di Nii Senuman na 1.1-11

Cidenw be mɔgɔ dɔ woloma k'a bila Zuda nɔɔ na 1.12-26

Nii Senuman jigira cidenw kan ani u be kabakow kɛra 2.1—6.7

Zuwifuw ka ɲamɔgɔw be Etiyɛni kiti k'a faga 6.8—7.60

Pɔli be Krista ka jama tɔɔrɔ 8.1-39

Pɔli kɛra ciden ye 9.1-31

Piyɛri be taga sɔlidasiɲamɔgɔw dɔ ka soo 10.1-48

Piyɛri b'a ka kɛta fɔ ciden tɔw ye 11.1-18

Krista ka jama ye boɲa min sɔrɔ Antiyɔsi 11.19-29

Zuwifu ka ɲɛmɔgɔw ye Zaki faga, ka Piyɛri don kaso la 12.1-25

Nii Senuman ye Barinabasi ani Sɔli woloma k'u ci 13.1—14.28

Bataki min cira Krista ka jama ma kɛnɛkɛnɛ koo kosɔn 15.1-41

Pɔli ye dugu minw yaala 16.1—21.26

U ye Pɔli kiti, ka taga n'a ye faamaba fɛ 21.27—28.31

ALA KA KUMA

© 2008 Alliance Biblique du Burkina Faso

More Info | Version Index