Search form

Amɔ int

Kunnafoni

Amɔsi tun te kira ye. Nga tuma min na Ala y'a wele ka kiraya kɛ, a bɔr'a ka dugu kɔnɔ Zuda mara la ka taga Ala ka kuma fɔ Isirayɛli mara la jamana kɔgɔdugu ɲafan fɛ. O waati la, nafolo tun ka ca, joko fanga fana tun boɲana, mɔgɔw tun be ɲasuma na. Tilenbaliyakow tun be kɛ yen, u tun be ɲɔgɔn tɔɲɔ, nafolotigiw tun be fantanw tɔɔrɔ ani k'u dɔgɔya. Jagokɛlaw tun be sannikɛlaw namara. Sarakalasebagaw tun gwɛnin tɛ. Nga, mɔgɔ kelen kelen bɛɛ tun lanin b'a yɛrɛ la, fɔɔ u kɔrɔtɔnin tun be Masaba ka loon makɔnɔ. O la, Amɔsi ko a te ten, a ko:

«Minw b'a fɛ Masaba ka loon ka se,

bɔnɛ ye olu ta ye.

O loon bena kɛ cogo di aw fɛ?

O bena kɛ dibi ye, yeelen tena bɔ.

Masaba ka loon tena kɛ dibilon ye wa?

Yeelen tena bɔ.

Yɔrɔ bena dibi yɛrɛ le,

kɛnɛ tena bɔ fewu.» (5.18,20)

Amɔsi be jama waaju k'u ka yɛlɛmani kɛ u ka koow la, sanni u ka to ɲanagwɛw ni saraka caaman koo la. A ko:

«Nga, tiɲɛ ka se yɔrɔ bɛɛ i ko kɔji woyotɔ,

tilenninya ka kɛ i ko baji min te ja!» (5.24)

Kobaba minw fɔra kitabu nin kɔnɔ

Ala be Isirayɛlidenw n'u lamini siyaw jalaki 1.1—3.2

Isirayɛlidenw ni Samari dugu halakiko 3.3—6.14

Amɔsi be yelifɛn duuru ye 7.1—9.10

Isirayɛlidenw ka koo laban bena yɛlɛma 9.11-15

ALA KA KUMA

© 2008 Alliance Biblique du Burkina Faso

More Info | Version Index