Search form

Dan int

Kunnafoni

Daniyɛli ka kitabu sɛbɛnna waati min na, zuwifuw tun be tɔɔrɔla siya wɛrɛw ka masacɛw bolo. Kitabu nin sɛbɛnbaga ye sɛbɛnni kɛ ani ka yelifɛn fɔ jama ye k'u dɛmɛ janko u k'u jigi la Ala kan.

Kitabu nin tilannin lo yɔrɔ fila.

A tilanyɔrɔ fɔlɔ (1—6) be Daniyɛli n'a teri mɔgɔ saba koo fɔ: u kɛra cogo min na ka kɛ ɲamɔgɔw ye jamana wɛrɛ la, k'a sɔrɔ u ye zuwifuw ye minw minɛna ka taga yen. K'u to yen, u tora tilenninya la, Daniyɛli yɛrɛ y'a yɛrɛ di ko a be sɔn ka sa jaraw ka dingɛ kɔnɔ yanni a be ban Ala ma.

Kitabu nin tilanyɔrɔ filanan kɔnɔ (7—12), Ala ye yelifɛn dɔw yira Daniyɛli la, minw be siya wɛrɛ dɔw ka masaya yiriwako ni dɔw nagasiko yira. Waati dɔ, mɛlɛkɛw be o yelifɛn nunu kɔrɔ fɔ a ye.

Daniyɛli ka kitabu be Krista kɔmɔgɔw dɛmɛ ka taga ɲa waatigwɛlɛn na ani tɔɔrɔ tuma na. Daniyɛli ka yelifɛn la, an b'a ye ko laban na, ko Ala le bena see sɔrɔ.

«Ka n to sufɛ yelifɛn nunu filɛli la, n ye fɛɛn dɔ natɔ ye sankaba kan i n'a fɔ adamaden. A tagara cɛkɔrɔba faan fɛ. U gwɛrɛla n'a ye cɛkɔrɔba kɔrɔ. Kuntigiya, ni boɲa, ani masaya dir'a ma. Maraw bɛɛ la, siyaw bɛɛ mɔgɔw y'a bato. A ka kuntigiya ye waati bɛɛ koo ye. A ka masaya te ban abada!» (7.13-14)

Kobaba minw fɔra kitabu nin kɔnɔ

Kitabu nin tilanyɔrɔ fɔlɔ

Daniyɛli n'a teriw be see sɔrɔ 1.1-21

Daniyɛli be Nabukodonozɔri ka siko kɔrɔ fɔ 2.1-49

Ala be Daniyɛli teri saba kisi 3.1-33

Nabukodonozɔri ka fanga be ban 4.1-34

Masacɛ Bɛlisasari be koo dɔ ye 5.1-30

Daniyɛli be kisi jaraw ma 6.1-29

Kitabu nin tilanyɔrɔ filanan

Daniyɛli be sogo naani ye yelifɛn na 7.1-28

Daniyɛli be sagajigi ni bakɔrɔnin ye yelifɛn na 8.1-27

Daniyɛli be Ala daali a ka jama koo la 9.1-27

Daniyɛli be yelifɛn dɔ ye k'a to bada la 10.1—12.13

ALA KA KUMA

© 2008 Alliance Biblique du Burkina Faso

More Info | Version Index