Search form

Eza 18

Kirayakuma, Etiyopi kosɔn

1- Bɔnɛ ye ele jamana nin ta ye!

Ele min ka kurunw be ni fani fila fila ye

minw be Etiyopi bajiw kan.

2Ele min be cidenw ci Nili baji kan,

n'u be taga kurun binlamanw kɔnɔ.

Aw ye kɔsegi, ciden telimanw,

ka taga mɔgɔjanjanw fɛ,

minw fari be manamana!

Mɔgɔ minw be siranya bila

yɔrɔjan ni yɔrɔsurun mɔgɔw la.

Siya barikaman min be tɔɔrɔ la mɔgɔw kan,

aw ye kɔsegi aw ka jamana na,

jamana min kɔnɔ babolow ka ca.

3Aw diɲɛ mɔgɔw bɛɛ,

aw minw be dugukolo kan,

ni taamasiɲɛ kɔrɔtara kuluw kan tuma min na,

aw ka filɛli kɛ!

Ni buru fiyɛra tuma min na,

aw k'aw tulo malɔ!

4Bari, Masaba kumana ne fɛ ko:

«Ne bena to n nɔɔ na ka to ka filɛli kɛ.

N be to yen i ko funteni, tile kɔrɔ,

i ko suman tigɛwaati sankaba.»

5Yanni *ɛrɛzɛn ka tigɛ

ɛrɛzɛnw feeren kɛnin kɔ n'a mɔna,

u b'a bolo nafatanw tigɛ ni wɔrɔsɔ ye.

6O waati ben'a sɔrɔ

kɛlɛdenw bɛɛ suuw be to kuluw kan kɔnɔw ye,

o bena to yen kongosogow ye.

Kɔnɔw bena na funteniwaati kɛ yen,

kongosogow bɛɛ bena nɛnɛwaati kɛ yen.

7O tuma na, mɔgɔjanjanw minw fari be manamana, olu bena na boɲafɛnw di Masaba, Setigi ma.

Siya min be siranya bila yɔrɔjan ni yɔrɔsurun mɔgɔw la,

siya barikaman min be tɔɔrɔ la u kan,

min ka jamana babolow ka ca.

U bena na ni boɲafɛnw ye *Siyɔn,

Masaba, Setigi ka kulu kan.

ALA KA KUMA

© 2008 Alliance Biblique du Burkina Faso

More Info | Version Index