Search form

Zer 47

Filisiw halakiko

1- Masaba ye kuma min fɔ kira Zeremi ye filisiw kosɔn sanni Ezipiti masacɛ ka na Gaza dugu kɛlɛ, o filɛ.

2Masaba ko:

«Jii dɔ funutɔ filɛ kɔgɔdugu ɲafan fɛ.

A be boɲana ka bɔ a daaw la,

a be jamana minɛna,

an'a kɔnɔnafɛnw,

duguw ani u kɔnɔ mɔgɔw.

Mɔgɔw be kulera,

jamanadenw bɛɛ be kasira.

3Soow seen mankan be mɛnna,

u ka wotorow n'u seen mankan be mɛnna.

Denfaw te janto u deenw la tugu,

u fari faganin lo

4bari filisiw bɛɛ halakilon le sera.

Minw tun bena se ka Tiri ni Sidɔn dugu dɛmɛ,

olu bɛɛ fagalon sera.

Masaba be filisiw halakira,

o tɔɔ minw bɔra Kafitɔri.t

5Gazakaw kuun lira sanga kosɔn,

Asikalɔn sumana tenten.

Aw tɔɔ min tora kɛnɛba la,

aw bena to k'aw yɛrɛ tigɛtigɛ

fɔɔ tuma jumɛn dusukasi bolo?

6‹Ee! Masaba ka murujan!

I bena lafiɲɛ tuma jumɛn?

Don i foroko la!

I lɔ! To yɔrɔ kelen!›

7A bena se ka lafiɲɛ cogo di?

K'a sɔrɔ Masaba y'a ci ka taga

Asikalɔn ni kɔgɔjida la mara kama.»

ALA KA KUMA

© 2008 Alliance Biblique du Burkina Faso

More Info | Version Index