Search form

Zow 3

Masaba ben'a ka Nii di mɔgɔ bɛɛ ma

1- «O tɛmɛnin kɔ, ne bena n ka Nii di bɛɛ ma.

Aw dencɛw n'aw denmusow bena kiraya kɛ,

aw ka cɛkɔrɔbaw bena sikow kɛ,

aw ka kanbelenninw bena yirafɛnw ye.

2O waati la, n bena n ka Nii di hali baarakɛlaw ma,

cɛɛw fara musow kan.

3N bena kabakow yira sankolo la,

ni dugukolo kan,

joli, tasuma, ani sisi.

4- Tile bena dibi,

kalo bena wulen i ko joli,

sanni Masaba ka loon ka se,

siranyalon, lonba lo.»

5- O tuma na, mɔgɔ o mɔgɔ mana Masaba tɔgɔ wele, o tigi bena kisi. Mɔgɔ tɔɔ minw tora, Masaba bena minw wele, olu bena sɔrɔ Zeruzalɛmu, *Siyɔn kulu kan, i ko Masaba y'a fɔ cogo min na.

ALA KA KUMA

© 2008 Alliance Biblique du Burkina Faso

More Info | Version Index