Search form

Zow int

Kunnafoni

Kira Zowɛli ye yirafɛnw le ye, ani k'u sɛbɛn a ka kitabu kɔnɔ. A ye tɔɔnw ye, minw ye dugukolo fa. U kɛra i n'a fɔ kɛlɛdenw, minw be nana jamana cɛnyɔrɔ. O ye Ala ka kiti ye min be nana. Ala b'a ka jama ladi k'u ka kɔsegi ale ma. O la, a y'a daa di ko ale bena u kisi, ani k'u ta ɲa. Ala bena siya wɛrɛw kiti, nga a bena sigi a ka mɔgɔw cɛma, k'u ka koow yiriwa. Loon dɔ, Ala ben'a ka Nii di adamadenw bɛɛ ma.

Kitabu nin kumasen gwiliman dɔ ko: «Masaba ka loon, Ala ka kiti tigɛlon...

Jamaba le be Kititigɛ kɛnɛ na.

Bari Masaba ka loon surunyana

Kititigɛ kɛnɛ na.

Tile ni kalo bena dibi,

lolow tena yeelen bɔ tugu.

Masaba bena pɛrɛn Siyɔn,

a sɔngɔkan bena bɔ Zeruzalɛmu.

Sankolo ni dugukolo bena yɛrɛyɛrɛ.

Nga a bena kɛ a ka mɔgɔw tangabaga ye,

a bena kɛ Isirayɛlidenw dogoyɔrɔ ye.» (4.14-16)

Kitabu nin tilancogo

Tɔɔnw be jamana fa 1.1-20

Masaba ko a ka jama ka nimisa 2.1-17

Masaba ben'a ka jama ta ɲa 2.18—3.5

Masaba be siya wɛrɛw ɲagwan 4.1-21

ALA KA KUMA

© 2008 Alliance Biblique du Burkina Faso

More Info | Version Index