Search form

Zon int

Kunnafoni

Kira Zonasi ka kitabu ni kira tɔw ta te kelen ye. A ye min fɔ a ka waajuli la, o kɔni lɔnnin tɛ. Nga koo min y'a sɔrɔ, o le ɲafɔra. Kitabu nin ni tɔw te kelen ye fana bari kira Zonasi tun t'a fɛ ka Ala ka cii kɛ. Ala y'a wele ko a ka taga Ninivukaw waaju, a banna. Ninivu tun ye Asiri jamana masadugu ye. Zonasi bolila, bari a tun y'a ye ko Ala t'a fɛ k'o dugu halaki. Nga, a laban na, a sɔnna Ala ka cira nin ma. Ninivukaw nimisara, Ala makarila u la. O ye Zonasi dimi kosɔbɛ.

Zonasi ka kitabu b'a yira an na ko Ala ka kanuya te dan Isirayɛlidenw dɔrɔn ma, ko diɲɛ mɔgɔw bɛɛ lo. A labɛnnin be ka yafa u ma n'u nimisara ka faran u ka kojugu la.

Kobaba minw fɔra kitabu nin kɔnɔ

Ala be Zonasi wele, a be ban 1.1-16

Zonasi nimisara, Ala y'a bɔ bolo la 2.1-11

Zonasi be waajuli kɛ Ninivu dugu kɔnɔ 3.1-10

Ala makarila Ninivukaw la, o ye Zonasi dimi 4.1-11

ALA KA KUMA

© 2008 Alliance Biblique du Burkina Faso

More Info | Version Index