Search form

Cɛf int

Kunnafoni

Isirayɛlidenw ye Kanaan jamana minɛ k'a tilantilan ka sigi a kɔnɔ kɔmɔgɔ kɔmɔgɔ cogo min na, Cɛfariw ka kitabu b'o le ɲafɔ. O y'a sɔrɔ masacɛ tun ma sigi u kunna fɔlɔ. Isirayɛli jama tun ye u yɛrɛ yɔrɔ jaɲa Ala la siɲɛ caaman ka to ka taga joow sɔn. O la, Ala tun b'a to siya wɛrɛw be na u kɛlɛ ka se u kɔrɔ. Ni jama ye yafa ɲini Masaba fɛ, a be cɛfari dɔ lawili u cɛma k'u bɔsi u juguw la. Cɛfari nunu kɛra mɔgɔ tan ni fila ye: Otiniyɛli, Eyudi, Samugari, Debora, Zedeyɔn, Tola, Yayiri, Zefute, Ibusan, Elɔn, Abudɔn Samusɔn.

Cɛfari nunu tun be kɛ kɔmɔgɔ kelen bɔsibaga ye, nga tuma dɔ, kɔmɔgɔ caaman bɔsiko lo. Kitabu nin kɔnɔ, a be to ka segi kuma dɔ kan siɲɛ caaman ko jama banna Ala la, ka to ka joow sɔn. Jama ka kojuguw kama, Ala tun b'a to u juguw be se u kɔrɔ. O la, u be Ala ka dɛmɛ ɲini, ale be dɛmɛbaga ci u ma. Waati dɔ, jama ni Ala bɛnnin lo. Tuma dɔ, u b'u kɔɔ di ka taga joow sɔn. O cogo la, kɛlɛw tun be yen tuma o tuma.

«O waati la, masacɛ tun te Isirayɛlidenw fɛ. Mɔgɔ kelen kelen bɛɛ tun b'a yɛrɛ sago kɛ.» (21.25)

Kitabu nin tilancogo

Isirayɛlidenw be Kanaan jamana minɛ 1.1-36

Ala be cɛfariw ci Isirayɛlidenw ma 2.1—3.6

Otiniyɛli, ni Eyudi, ani Samugari ka koo 3.7-31

Debora, ni Baraki, ani Yayɛli ka koo 4.1—5.31

Zedeyɔn ka koo 6.1—8.34

Abimelɛki ka koo 9.1-57

Tola, ni Yayiri, ani Zɛfite ka koo 10.1—12.7

Ibusan, ni Elɔn, ani Abudɔn ka koo 12.8-15

Samusɔn ka koo 13.1—16.31

Dan kɔmɔgɔw ka josɔnko 17.1—18.31

Bɛnzamɛn kɔmɔgɔw kɛlɛko 19.1—21.25

ALA KA KUMA

© 2008 Alliance Biblique du Burkina Faso

More Info | Version Index