Search form

Sar int

Kunnafoni

Masaba ye min fɔ sarakalasebagaw koo la ko Musa k'o fɔ jama ye, o le be kitabu nin kɔnɔ, o la, a be wele ko Sarakalasebagaw ka kitabu. Ala ye Levi ka somɔgɔw woloma ka sarakaw laseko don olu bolo. Sarakalasebagaw ka kan ka Ala ta faranfasi ka bɔ fɛɛn tɔw la, o fɔra 10.10-11 kɔnɔ.

Sariya minw fɔra Ala batocogo koo la, olu ka ca kosɔbɛ. U faamuko fana ka gwɛlɛ tuma dɔ. Sarakalasebagaw ka kitabu be sarakaw ni boɲafɛnw ka sariyaw ɲafɔ, ni ɲanagwɛw taw, ni fɛɛn minw be se ka dumu, ani minw man kan ka dumu. Mɔgɔ minw be se ka gwɛrɛ Ala batoyɔrɔ la, ani minw man kan ka gwɛrɛ k'u niin don, a b'o bɛɛ ɲafɔ.

Kitabu nin kuun fɔlɔ ye ka Ala ka senuya yira. Isirayɛlidenw ka kan ka banba ka to jɛnɲɔgɔnya la ni Ala ye.

Kitabu nin tilancogo

Sariya minw fɔra sarakaw koo la 1.1—7.38

Sarakalasebaga fɔlɔw be kalifa Ala ma 8.1—10.20

Sariya minw fɔra tanafɛnw koo la 11.1—15.35

Kojuguw yafalonba 16.1-34

Isirayɛlidenw ka kan ka to Ala taya la 17.1—22.33

Lafiɲɛlon ni ɲanagwɛw koo 23.1—25.54

Ala be duba ni danga koo fɔ 26.1-46

Ala be sariya dɔ wɛrɛw di 27.1-34

ALA KA KUMA

© 2008 Alliance Biblique du Burkina Faso

More Info | Version Index