Search form

Mar int

Kunnafoni

Marika ka kitabu tun sɛbɛnna Krista kɔmɔgɔw le ma. Olu bɛɛ tun te Zuwifuw ye. Kitabu nin kɔnɔ, Marika b'a yira an na ko Zan batizelikɛla ye Yezu batize. A b'a yira an na fana ko ka Yezu to a kelen kongokolon kɔnɔ, Sutana y'a nigɛ ka dɛsɛ. O kɔ, Yezu tun be mɔgɔw wele ani k'u kalan ani ka banabagatɔw kɛnɛya. A tun b'o baara nunu bɛɛ kɛ ni kuntigiya ye.

Kitabu nin kɔnɔ, mɔgɔw te Yezu ka koo faamu kosɛbɛ. Bari, a ka kabakow be mɔgɔw to u be ɲinigaliw kɛ. O la, a tun y'a kɔmɔgɔw lasɔmi fɔɔ ka se siɲɛ saba, olu m'a faamu. O koow tɛmɛnin kɔ, Zuwifuw ka ɲɛmɔgɔw wilila Yezu kama, k'a jalaki. A fagara lɔgɔ kan, a suu donna. A tile sabanan loon, a kununa ka bɔɔ suuw cɛma.

Nga, a sanin kɔ, sɔlidasicɛ dɔ yɛrɛ y'a fɔ ko: «Siga t'a la, nin cɛɛ nin tun ye Ala Deen ye tiɲɛ na.» (15.39)

Kitabu nin tilancogo

Zan batizelikɛla ka waajuli 1.1-8

Yezu batizenin kɔ, Sutana b'a nigɛ ka dɛsɛ 1.9-13

Yezu ka baara Galile mara la 1.14—9.50

Yezu be bɔ Galile ka taga Zeruzalɛmu 10.1-52

Yezu ka diɲɛlatigɛ tɔɔ n'a ka sayako 11.1—15.47

Yezu ka kununko 16.1-8

Yezu kununni b'a yɛrɛ yira a kɔmɔgɔw la ani k'u ci 16.9-20

ALA KA KUMA

© 2008 Alliance Biblique du Burkina Faso

More Info | Version Index