Search form

Mise int

Kunnafoni

Kira Mise ni Ezayi bɛɛ ye waati kelen kiraw ye. Mise ka kuma tun sinna Samari ni Zeruzalɛmu ma. Samari ye Isirayɛli masadugu ye kɔgɔdugu ɲafan fɛ. Zeruzalɛmu ye Zuda masadugu ye worodugu ɲafan fɛ. Mise be tilenbaliya ko fɔ, a be jamana ɲamɔgɔw kɔrɔfɔ, ni sarakalasebagaw, ni kititigɛlaw, ni nafolotigiw. A be kirakolonw fana jalaki. Olu minw be to k'a fɔ ko hɛrɛ bena sɔrɔ, ka to ka jama lafili. Mise ko dugubaba fila nunu bena halaki, u bena u kɔnɔ mɔgɔw ɲagwan.

Nga, jigitugu kuma dɔɔni fana b'a la. Ala ko ale ka jama bena kɔsegi ale Masaba ma. A ko:

«I bena makari an na tugu.

I bena an ka kojugu nɔɔni i seen kɔrɔ.

I bena an ka hakɛw bɛɛ fili fɔɔ kɔgɔji jukɔrɔ.

I bena i ka kantigiya yira Yakuba kɔmɔgɔw la,

i bena i ka ɲumanya kɛ Ibrayima kɔmɔgɔw ye,

i ko e tun y'i daa di an faaw ma cogo min na

kabini fɔlɔfɔlɔ.» (7.19-20)

Kitabu nin tilancogo

Masaba ben'a ka jama ɲaa gwan 1.1—3.12

Ala ben'a ka masaya sigi k'a ka mɔgɔw bɔsi 4.1—5.14

Masaba be Isirayɛlidenw lasɔmi k'a daa di fana 6.1—7.20

ALA KA KUMA

© 2008 Alliance Biblique du Burkina Faso

More Info | Version Index