Search form

Tal int

Kunnafoni

Talen minw be taamacogoɲuman yira adamadenw na, olu le be sɔrɔ Talenw kitabu kɔnɔ. U caaman ye masacɛ Solomani ta ye (1—29), dɔw ye Aguri ta ye (30), dɔw ye masacɛ Lemuwɛli ta ye (31).

Talen nunu be an ka loon o loon taamacogo yira an na. Dɔw ɲasinnin be gwaa ma, dɔw ɲasinnin be jago koo ma. Adamadenw ka kan k'u yɛrɛ minɛ cogo min na u sigiyɔrɔ la, ani mɔgɔ ka kan k'a yɛrɛ minɛ cogo min na, talen caaman b'o yira. Mɔgɔ ka kan k'a yɛrɛ majigi cogo min na, walima ka muɲu, walima ka dɛsɛbagatɔw boɲa, ani kantigiya min ka kan ka sɔrɔ teriw ni ɲɔgɔn cɛ, talen nunu be o yira fana. Talen nunu ɲɔgɔn dɔw tun be sɔrɔ siya wɛrɛw fɛ, minw tun be Isirayɛlidenw lamini na. Talen nunu b'a yira ko adamadenw ka kan ka boɲa la ɲɔgɔn kan, ani k'u yɛrɛ majigi, ka kɛ mɔgɔtilenninw ni tiɲɛtigiw ye, ani ka lɔnniya sɔrɔ. Sɛbɛ nin daminɛyɔrɔ be lɔnniya sɔrɔcogo le fɔ: «Masaba ɲasiran ye lɔnniya daminɛyɔrɔ ye...» (1.7)

Talen nunu caaman be la ni kumasen fila fila ye, u marako man gwɛlɛ mɔgɔ kunna. Dɔw be la ka ɲasin kuun kelen ma, u be lɔnniya koo fɔ olu kɔnɔ, walima nalomanya (9), walima musoɲuman ka koo (31).

Kitabu nin tilancogo

Lɔnniya ɲiniko 1.1—9.18

Solomani ka talenw 10.1—29.27

Aguri ka talenw 30.1-33

Lemuwɛli bamuso ye min l'a ye 31.1-31

ALA KA KUMA

© 2008 Alliance Biblique du Burkina Faso

More Info | Version Index