Search form

Dal 1

Tilanyɔrɔ fɔlɔ

(Dal 1—41)

Adamaden ka hɛrɛ

1Mɔgɔ min te tugu mɔgɔjuguw ka ladili kɔ,

n'a te to ni kojugukɛlaw ye a ka sira kan,

n'a t'a niin don mɔgɔkɔrɔfɔlaw fɛ k'a tɔɲɔgɔn kɔrɔfɔ,

o tigi dagamunin lo.

2Masaba ka sariya koo ka d'a ye,

a be miiri o la suu fara tile kan.

3- A tigi be i ko yiri min tutunin be kɔda la,

a be den a dentuma na,

a furaburu fana te fɔnsɔnfɔnsɔn.

A be koo o koo kɛ, o be ɲa.

4Mɔgɔjuguw ka koo te ten.

U be i ko sumanɲaga, fɔɲɔ be taga ni min ye.

5O le y'a to mɔgɔjuguw te lɔyɔrɔ sɔrɔ

kiti loon na,

kojugukɛlaw te lɔyɔrɔ sɔrɔ

mɔgɔtilenninw ka jɛnkulu cɛma.

6Masaba be mɔgɔtilenninw ka koo lɔn kosɔbɛ.

Kojugukɛlaw ta be taga n'u ye halakili la.

ALA KA KUMA

© 2008 Alliance Biblique du Burkina Faso

More Info | Version Index