Search form

Dal 113

Masaba be koo yɛlɛma

1Masaba ka tanu.

Masaba ka baarakɛlaw, aw k'a tanu.

Aw ye Masaba tɔgɔ tanu.

2Masaba tɔgɔ ka boɲa

k'a ta sisan ma fɔɔ tuma bɛɛ.

3K'a ta kɔrɔn fɛ fɔɔ ka ta'a bila tileben fɛ,

Masaba tɔgɔ ka tanu!

4Masaba be siyaw bɛɛ kunna,

a ka sebagaya be sankolo sanfɛ.

5Jɔn le be se ka suma ni Masaba an ka Ala ye?

Ale min siginin be fɛɛn bɛɛ sanfɛ.

6A b'a yɛrɛ majigi ka dugukolo ni sankolo filɛ.

7A be makaritɔ wili ka bɔ duguma,

ka dɛsɛbagatɔ wili ka bɔ ɲamaɲama na

8k'a sigi yɔrɔ fɔlɔ la

a ka jamana ɲamɔgɔw cɛma.

9A be soɲuman di muso wolobali ma.

A b'a kɛ woloba ye k'a nisɔn diya.

Masaba ka tanu.

ALA KA KUMA

© 2008 Alliance Biblique du Burkina Faso

More Info | Version Index