Search form

Dal 127

Masaba ye fɛɛn bɛɛ dibaga ye

1Zeruzalɛmu taadɔnkili dɔ. Solomani ka dɔnkili Ala ye.

Ni Masaba ma soo min lɔ,

a lɔbagaw b'u yɛrɛ sɛgɛn gwansan.

Ni Masaba ma dugu min mara,

a kɔlɔsibagaw be sɛgɛn gwansan.

2Aw be wili joona, aw te sinɔgɔ joona.

Aw b'a la k'aw yɛrɛ sɛgɛn gwansan ka dumuni ɲini,

k'a sɔrɔ Masaba b'o ɲɔgɔn di a diyanamɔgɔw ma,

hali k'u to sinɔgɔ la.

3Deenw ye Masaba ka difɛn ye,

denbaya y'a ka mɔgɔ sarafɛn ye.

4Biɲɛw be cogo min na cɛfari bolo,

kanbelenyawaati deenw be ten u tigi bolo.

5Mɔgɔ min y'a ka biɲɛforoko fa u la,

o tigi dagamunin lo.

N'a tagara n'a jugu ye kititigɛyɔrɔ la,

a tena dɔgɔya sɔrɔ.

ALA KA KUMA

© 2008 Alliance Biblique du Burkina Faso

More Info | Version Index