Search form

Dal 128

Mɔgɔtilenninw ka dagamu

1Zeruzalɛmu taadɔnkili dɔ.

Mɔgɔ minw bɛɛ be siran Masaba ɲa,

n'u be taama ka kɛɲɛ n'a sago ye,

olu dagamunin lo.

2Ele bena i bololabaara tɔnɔ dumu.

I bena dagamu,

i ka koow bɛɛ bena yiriwa.

3I muso bena kɛ i ko yiri min be deen caaman kɛ.

Deen caaman bena kɛ i ka dumuni kɛyɔrɔ la.

4Masaba ɲasiranbaga ta be ɲa ten le.

5Masaba k'i ta ɲa a ka soo kɔnɔ *Siyɔn,

i ka se ka Zeruzalɛmu diya bɔ i sii bɛɛ la.

6I bena i mamadenw ye.

Hɛrɛ ka kɛ Isirayɛlidenw ye.

ALA KA KUMA

© 2008 Alliance Biblique du Burkina Faso

More Info | Version Index