Search form

Dal 129

Masaba b'a ka mɔgɔw hɔrɔnya

1Zeruzalɛmu taadɔnkili dɔ.

U y'an tɔɔrɔ kosɔbɛ kabini an kanbelen tuma.

Isirayɛlidenw k'a fɔ ko:

2«U y'an tɔɔrɔ kosɔbɛ kabini an kanbelen tuma,

nga u ma se an kɔrɔ.

3U y'an kɔɔ bɛɛ siɲɛsiɲɛ

k'a kɛ i ko walanjanjan, foro kɔnɔ.

4Nga Masaba tilennin lo,

a ye mɔgɔjuguw ka juru tigɛ.»

5*Siyɔn kɔniyabagaw bɛɛ ka maloya,

u ka segi kɔfɛ.

6U ka kɛ i ko biin minw be falen boonw kunna.

U be ja n'u m'u bɔn fɔlɔ.

7A kanbaga bolo te fa ka ye,

a cɛbaga te siri sɔrɔ.

8Sira kan tɛmɛbaga kan'a fɔ ko:

«Masaba k'aw ta ɲa.»

An be duba kɛ aw ye Masaba tɔgɔ la.

ALA KA KUMA

© 2008 Alliance Biblique du Burkina Faso

More Info | Version Index