Search form

Dal 130

Dusukasi waati

1Zeruzalɛmu taadɔnkili dɔ.

Ka n to dingɛba kɔnɔ,

n b'i daali, Masaba.

2Mɛnni kɛ ne fɛ, Matigi.

I tulo malɔ ne daalikan na.

3Matigi, n'i tun ko i be kojuguw jati minɛ,

jɔn tun bena se ka to yen?

4Nga i be yafa,

o la, boɲa ka kan ka la i kan.

5Ne be Masaba kɔnɔna,

ne b'a kɔnɔna kosɔbɛ.

Ne jigi b'a ka kuma kan.

6Sufɛ kɔlɔsilikɛbaga be sɔgɔmada kɔnɔna cogo min na,

ne be Matigi kɔnɔna ka tɛmɛ ale kan.

Tiɲɛ na, ne b'a kɔnɔna ka tɛmɛ ale kan.

7Isirayɛlidenw, aw k'aw jigi la Masaba kan,

bari a ka ɲi, a be se k'aw kunmabɔ.

8- Ale lo bena aw kunmabɔ aw ka filiw la.

ALA KA KUMA

© 2008 Alliance Biblique du Burkina Faso

More Info | Version Index