Search form

Dal 141

Sigɛnbagatɔ b'a yɛrɛ kalifa Ala ma

1Dawuda ka dɔnkili dɔ.

Masaba, ne b'i daali, na ne dɛmɛ joona.

E tulo malɔ ne ka daalili la, e daalituma.

2- A to ne ka daalili ka se i ma i ko wusulan,

ne bolo kɔrɔtanin ka kɛ i ko wulafɛ saraka.

3Masaba, ne daa tanga,

ne daa mara.

4Kan'a to ne be miiri kojugu la,

ne kana miiri kojugukɛ la,

ne kana fara kojugukɛlaw kan,

ne kana fara u kan u ka kɛtaw la.

5Mɔgɔtilennin ka ne bugɔ, o ye hɛrɛ ye.

A ka ne jalaki, o be i ko tulu bɔnnin ne kunna,

ne te ban o la fewu.

Nga ne b'i daali tugu mɔgɔjugu ka juguya kama.

6Tuma min na u ɲamɔgɔw bena porokoto ka ben faraw kan,

o tuma na, mɔgɔw ben'a lɔn ko n ka kuma tun ye tiɲɛ ye.

7Mɔgɔ be dugukolo wili ni daba ye cogo min na,

u kolow yɛrɛkɛnin be kaburuda la ten.

8Ne ɲaa be ele Matigi, Masaba le la.

Ne be dogo ele le fɛ, kan'a to ne be sa.

9U be jaan min la ne ɲafɛ, ne tanga o ma.

Ne kisi kojugukɛlaw ka ŋaniyajugu ma.

10Mɔgɔjuguw ka ben u yɛrɛw ka jɔɔw kɔnɔ.

Ne kɔni ka kisi u ma.

ALA KA KUMA

© 2008 Alliance Biblique du Burkina Faso

More Info | Version Index