Search form

Dal 24

Masaba be donn'a batoso kɔnɔ

1- Dawuda ka dɔnkili dɔ.

Dugukolo ni fɛɛn minw b'a kan ye Masaba ta ye,

diɲɛ n'a kɔnɔ mɔgɔw y'a ta ye.

2Bari ale lo y'a dan k'a sigi kɔgɔji sanfɛ,

ale lo y'a to a lɔra ka ɲa.

3Jɔn le bena se ka yɛlɛ Masaba ka kulu kan?

Jɔn bena se ka don a ka yɔrɔ senuman kɔnɔ?

4- O ye mɔgɔ jalakibali ye, mɔgɔ kɔnɔ gwɛnin,

mɔgɔ min te joo sɔn,

a fana te kali namara kama.

5Masaba ben'a ta ɲa,

a kisibaga Ala bena tiɲɛ d'a ma.

6Mɔgɔ minw b'u ɲaa sin Yakuba ka Ala ma,

Masaba ɲasiranbagaw le y'o tigiw ye.

7Waati bɛɛ dondaw, aw ka yɛlɛ, aw ka yɛlɛ ka ɲa,

janko Nɔɔrɔtigi Masa ka don.

8Jɔn le y'o Nɔɔrɔtigi Masa nin ye?

Masaba fangatigi kɛlɛmasa lo!

Masaba ye kɛlɛmasa le ye!

9Waati bɛɛ dondaw, aw ka yɛlɛ ka ɲa

janko Nɔɔrɔtigi Masa ka don.

10Jɔn le y'o Nɔɔrɔtigi Masa nin ye?

Masaba, Setigi lo!

Ale lo ye Nɔɔrɔtigi Masa ye.

ALA KA KUMA

© 2008 Alliance Biblique du Burkina Faso

More Info | Version Index