Search form

Dal 29

Masaba be kuma na

1- Dawuda ka dɔnkili dɔ.

Sankolo kɔnɔ setigiw, aw ka Masaba boɲa.

Aw k'a ka boɲa n'a ka setigiya fɔ.

2Aw ka boɲa la Masaba tɔgɔ kan.

Aw k'aw kunbiri gwan a ɲakɔrɔ a ka yɔrɔ la.

3Masaba kaan be mɛnna jii sanfɛ,

nɔɔrɔtigi Ala be pɛrɛn i ko saan,

Masaba pɛrɛnkan be mɛnna jiba sanfɛ.

4Masaba be kumana ni setigiya ye,

a be kumana kuntigiya la.

5A kumakan be yiribabaw karikari.

A be Liban yiribabaw karikarila.

6A b'a kɛ Liban kulu be panpan i ko turakamelew,

Ɛrɛmɔn kulu be panpan i ko kongomisiden.

7Masaba kumakan b'a kɛ saan be manamana.

8A kumakan be kongokolon yɛrɛyɛrɛ.

A be Kadɛsi kongokolon yɛrɛyɛrɛ.

9A kumakan b'a kɛ minanw be wolo,

tuuw be lakolonya.

K'a sɔrɔ a ka soo kɔnɔ,

bɛɛ b'a la ko tanuli ka kɛ Masaba ye.

10Masaba be jiba sanfɛ,

masacɛ lo kudayi.

11Masaba be barika don a ka jama na,

a b'a ka jama ta ɲa ka hɛrɛ kɛ a ye.

ALA KA KUMA

© 2008 Alliance Biblique du Burkina Faso

More Info | Version Index