Search form

Dal 54

Tɔɔrɔbaga dɔ ka daalikan

1Dɔnkililabaga kuntigi ka dɔnkili. Fɔlikɛminan jurulamanw le be fɔ a latuma na. Dawuda ka dɔnkili dɔ. 2- Dawuda ye dɔnkili nin labɛn tuma min na zifu dɔw nana Sayuli fɛ k'a fɔ a ye ko Dawuda dogonin be olu fɛ.

3Ala, ne kisi i tɔgɔ kosɔn.

I ka fangatigiya yira ka ne ka tiɲɛ fɔ.

4Ala, ne daalikan mɛn.

Ne be min fɔra, e tulo malɔ o la.

5Lonanw be wilila ne kama.

Mɔgɔfarimanw b'a fɛ ka ne faga.

U te miiri Ala koo la fewu.

6Nga ele Ala kɔni bena ne dɛmɛ.

E Matigi bena barika don ne la.

7A to juguman ka ne juguw sɔrɔ.

A to u be halaki pewu e ka kantigiya kosɔn.

8Ne bena saraka bɔ i ye ni ŋaniyaɲuman ye.

Ne bena i tanu bari e ka ɲi.

9Bari e ye ne bɔsi dusukasi bolo.

Ne y'a ye ko ne sera n juguw kɔrɔ.

ALA KA KUMA

© 2008 Alliance Biblique du Burkina Faso

More Info | Version Index