Search form

Dal 76

Ala le ye Setigi ye

1Dɔnkililabagaw kuntigi ka dɔnkili. Fɔlikɛminan jurulaman le be fɔ a latuma na. Azafu ka dɔnkiliw dɔ Ala ye.

2Ala y'a yɛrɛ yira Zuda mara la.

A tɔgɔ bɔra kosɔbɛ Isirayɛlidenw fɛ.

3A ka soo be Salɛmu dugu kɔnɔ,d

a ka sigiyɔrɔ be *Siyɔn dugu kɔnɔ.

4A ye kɛlɛkɛminanw cɛn o yɔrɔ le la.

A ye biɲɛw, ni murujanjanw ani nigɛkunbɛnnanw cɛn yen.

5Boɲa ni nɔɔrɔ b'i kan

ka tɛmɛ kulubabaw kan.

6Kɛlɛdenŋana nunu bololafɛnw bɔsira.

U sinɔgɔra, u tena kunun tugu.

Cɛfari nunu ma se k'u yɛrɛ tanga.

7Yakuba ka Ala, i ye bagabagali kɛ,

soow n'u bolibagaw kirinna ka lɔ.

8Ele le ye siranyafɛn ye.

Ni ele dimina, jɔn be se ka lɔ i ɲa?

9K'i to sankolo kɔnɔ, i ye kiti tigɛ.

Yɔrɔ sumana tɔntɔn dugukolo kan siranya bolo

10tuma min na e Ala wilila ko i be kiti tigɛ,

ka dɛsɛbagatɔw bɛɛ kisi dugukolo kan.

11Hali mɔgɔ minw diminin lo,

e b'a kɛ olu b'i tanu.

Minw sera ka kisi o dimi ma,

e be olu nɔrɔ i la.

12Aw k'aw daa di Masaba aw ka Ala ma,

aw k'o dajuru sara fana.

Aw ka na ni boɲafɛnw ye, aw minw bɛɛ b'a lamini na,

a ye na n'o ye Ala fɛ min be mɔgɔ siran.

13Ɲamɔgɔ minw b'u yɛrɛ boɲa, a b'u majigi.

A be siranya bila masacɛw la kosɔbɛ.

ALA KA KUMA

© 2008 Alliance Biblique du Burkina Faso

More Info | Version Index