Search form

Dal 98

Aw ka dɔnkilikura la Masaba ye

1Dɔnkili.

Aw ka dɔnkilikura la Masaba ye,

bari a ye kabakow kɛ.

A ye kisili kɛ a ka sebagaya barika la.

2Masaba y'a yira ko ale ye kisibaga ye.

A y'a ka setigiya yira siyaw la.

3A y'a hakili to a ka ɲumanya,

n'a ka kantigiya la Isirayɛlidenw faan fɛ.

Diɲɛ danyɔrɔ mɔgɔw bɛɛ y'a ye

ko an ka Ala le y'an kisi.

4Diɲɛ mɔgɔw bɛɛ, aw ka Masaba tanu ni nisɔndiya ye.

Aw k'a tanu dɔnkili la a ye.

An ka nisɔndiyapɛrɛnkan bɔ a ye.

5Aw ka Masaba bato ni gɔni ye.

Aw ka dɔnkili la a ye ni gɔni ye.

6Aw ka Masaba tanu ni buru kaan ye.

Aw ka Masacɛ, Masaba makiri.

7Kɔgɔji n'a kɔnɔnafɛnw bɛɛ ka mankan kɛ,

diɲɛ n'a kɔnɔ mɔgɔw ka mankan kɛ.

8Bajiw ka tɛgɛrɛ fɔ,

kuluw bɛɛ lajɛnnin ka nisɔndiya dɔnkiliw la.

9U k'o kɛ Masaba ɲakɔrɔ, bari a be na diɲɛ kiti.

A bena diɲɛ kiti ni tilenninya ye,

a bena jamanadenw kiti ni tiɲɛ ye.

ALA KA KUMA

© 2008 Alliance Biblique du Burkina Faso

More Info | Version Index