Search form

Dal int

Kunnafoni

Dɔnkiliw Ala ye tun ye zuwifuw ka dɔnkiliw n'u ka daaliliw ye. Mɔgɔ caaman le ye dɔnkili kɛmɛ ni bi duuru nunu sɛbɛn. O kɛra saan caaman kɔnɔ, o kɔ u nana u jɛn ɲɔgɔn kan sɛbɛ duuru kɔnɔ.

Dɔnkili nunu sɛbɛnbagaw y'u sɛbɛn k'u ɲasin kuun caaman ma: Ala tanuli taw be yen, ka dɛmɛ ɲini Ala fɛ o daalilikan be yen, k'a ɲini Ala fɛ a k'u tanga, o taw fana be yen. Yafadaali taw ni kisiliko ta be yen, ani foli taw, n'u jugu ka halakiko daalili. Daalili nunu dɔw ye mɔgɔ kelen ta ye, dɔw ye jama ta ye.

Kunnafoni caaman te yen dɔnkili nunu sɛbɛnbagaw kan. U lajɛnna cogo min na, o fana ma lɔn. Kuma bɛ sɔrɔ dɔnkili dɔw daminɛ na, min b'u ɲafɔ. Dɔnkili nunu lajɛnna sɛbɛ duuru minw kɔnɔ, olu fɔlɔ ni filanan dɔnkili caaman ye Dawuda taw ye (52—65, 67—71), sabanan ta dɔ ye Kore kɔmɔgɔw (42—49, 84—88) ni Azafu ta (73—83) ye. Dɔnkili minw be kuma masacɛ koo la, o be sɔrɔ sɛbɛ naaninan na (93—99). Duurunan kɔnɔ, o ye dɔnkiliw ye minw tun be la Zeruzalɛmu taako la (120—134). Sɛbɛ duuru nunu kɔnɔ dɔnkiliw bɛɛ be laban ni Ala tanu ye.

Kitabu nin tilancogo

Tilanyɔrɔ fɔlɔ 1—41

Tilanyɔrɔ filanan 42—72

Tilanyɔrɔ sabanan 73—89

Tilanyɔrɔ naaninan 90—106

Tilanyɔrɔ duurunan 107—150

ALA KA KUMA

© 2008 Alliance Biblique du Burkina Faso

More Info | Version Index