Search form

Tob 9

Tobiya b'a facɛ ka wari minɛ

1O kɔ, Tobiya ye Arafayɛli wele k'a fɔ a ye ko: 2«N balimacɛ Azariya, baaraden naani ni ɲɔgɔmɛ fila minɛ ka taga n'u ye Gabayɛli fɛ, Aragɛsi dugu la. I ka wari marasɛbɛ d'a ma ka wari nin minɛ, o kɔ, ka segi ka na ni Gabayɛli ye ka kɔɲɔya kɛ. 3-4- I b'a lɔn kosɔbɛ ko n facɛ b'a la ka loon nunu jati. Ni ne tora kɔfɛ hali loon kelen, a bena hami kosɔbɛ. I y'a lɔn fana ko Araguwɛli kalila ko a tena ne to n be taga. Ne fana te se ka tɛmɛ a ka kuma kan.» 5Arafayɛli ye baaraden naani ni ɲɔgɔmɛ fila nunu minɛ ka taga Aragɛsi, Mɛdi jamana na. U jigira Gabayɛli fɛ. A ye sɛbɛ nin d'a ma k'a fɔ a ye ko Tobi deen Tobiya ye muso sɔrɔ, ko a b'a welela o kɔɲɔya la. Gabayɛli tagara warigwɛ bɔɔrɔ nunu jati taamasiɲɛ tun bilara minw kan. U y'u bila ɲɔgɔmɛw kan. 6Sɔgɔma joona, u ye sira minɛ ka taga kɔɲɔya la. U donna Araguwɛli fɛ ka Tobiya sɔrɔ dumuni na. Ale panna ka wili ka Gabayɛli fo, Gabayɛli daminɛna ka kasi. A ye duba kɛ a ye ko: «Denɲuman, e min faa ye mɔgɔɲuman ye, ni mɔgɔtilennin ye, n'a be mɔgɔw sɔn! Matigi ka hɛrɛ kɛ i ye ka bɔ sankolo la, e n'i muso, n'i birancɛ n'i biranmuso! Ne be Ala fo, bari a y'a to n ɲaa lara ne balimacɛ Tobiya kan. A n'a facɛ bɔnnin be ɲɔgɔn fɛ kosɔbɛ!»

ALA KA KUMA

© 2008 Alliance Biblique du Burkina Faso

More Info | Version Index