Search form

Deuteronomy int

Nallunairun

Deutronomy-m kalikai imangqertut Moses-aam qalarutkellrinek Israel-aam yuinun Moab-ami uitallermeggni. Moab-amun arulaillruut pektaullmeng yuilqumi iquani, iterluku piksaguteqatallermeggni Canaan-aaq.

Ilait arcaqakumaluteng igausngalriit wani kalikarni ukuugut:

1) Moses-aam neq'erai cat angelriit pillret au͡gkuni allrakuni yuinaagni malrugni pellullerni. Ilungluni-llu yuut alerqullrui nalluyagutesqevkenaku qaillun Agayutmun ciuliqagtellruciitnek yuilqumi egilraullratni, niisngasqelluki piciuluki-llu Agayutmun pisqelluki. 2) Moses-aam Qulen Alerquutet ataam qanrutkellrui apertunqegcarluku-llu Ciuqliq Alerquun, alerqurluki yuut Atanermun kiingan tunumasqelluki. Cali qalarutkenqiggluki ayuqenrilnguut alerquutet Israel-aam maligtarkai akqutmi nunami. 3) Moses-aam neq'erilluki kangianek Agayutem akqut'liallran ellait ilakluki, alerqurluki-llu nutartesqelluku akqutmun igausngallrat umyuallguteksagulluteng-llu tunllerteng picirkiutainun. 4) Joshua piyunarqucimek cikiumauq ciuliqagten͞gurrluku Agayutem yuinun. Aturraarluteng yuarutmek neq'akluku Agayutem piciucia, yuullgutkelriari-llu Israel-aam atawaqaasqerraarluki, Moses-aaq yuunrirtuq Moab-ami, calaralirnerani Jordan-aam Kuigem.

Kalikaat angelria qanrutkaat Agayutem Anirtullri atawaqaasqelluki-llu elliin cucukellni yun'i, kenkek'ngani; taumek Agayutem yuin man'a neq'akarkaugaat, kenekluku niisngaluku-llu, tuaten pikuneng unguvamek pingqerrarkaungameng atawaqautiit-llu iquklisngaunani.

Taringutnguarkat verse-at ukuugut chapter 6.4-6, imangqerrluteng-llu Jesus-aam aterpagtellranek tamarmeng alerquutet angenqurratnek: “Kenkiu Ataneq ircaqun tamalkirrluku, yuucin-llu tamalkirrluku, pinirtacin-llu tamalkirrluku.”

Kalikam Imaa

Moses-aam ciuqliq qalarucillra 1.1—4.49

Moses-aam qalarucillra aipiriluni 5.1—26.19

a. Alerquutet Qulen 5.1—10.22

b. Alerquutet, picirkat, aarcirtuutet-llu 11.1—26.19

Alerquutet maligtarkait Canaan-aamun itqata 27.1—28.68

Akqutem nutarcimallra 29.1—30.20

Moses-aam nangenret qanellri 31.1—33.29

Moses-aam tuqullra 34.1-12

Yupik Bible

Yupik Bible © 2012 American Bible Society

More Info | Version Index