Search form

Genesis 36

Esau-m Kinguvri

1Ukut waniwa Esau-m (Edom-aam-wa) kinguvri. 2Esau nulirtullruuq Canaan-aarmiunek ukunek: Adah, pania Elon-aam Hittite-am, Oholibamah-wa Anah-m pania, qetunraa tutgarii Zibeon-aam Hivite-am. 3Basemath-aaq-llu Ishmael-aam pania Nabaioth-aam alqaa. 4Adah-llu irnillruuq Eliphaz-aamek; Basemath-aaq-llu irniluni Reuel-aamek; 5Oholobamah-llu irniangluni Jeush-aamek, Jalam-aamek, Korah-mek-llu. Ukut waniwa qetunrai Esau-m yuurtellret Canaan-aami.

6Tua-llu Esau-m nuliani, irniani, ilani-llu tamalkuita, ungungssiutni, tukuutni-llu piksagutellni Canaan-aami quyurrluki ayagtuq nunamun yaaqsikiinun kinguqlirmi Jacob-aam. 7Quyungqasciigaliamek tukuutetek amllerissiyaagata; uitavigtek mikelkessagutaak kuluvautekek amlleriameng. 8Esau nunaliuq nuniini qemililriami nunami Edom-aami.

9Makut maa-i kinguvri Esau-m, ciuliarata Edomite-at. 10-13Esau-m nulirra Adah qetunrangellruuq ataucimek Eliphaz-aamek, tauna-llu qetunraa qetunrarluni tallimanek ukunek: Teman, Omar, Zepho, Gatam, Kenaz-aaq-wa. Alla-llu nulirra Timna qetunrangluni Amalek-aamek.

Esau-m nulirra Basemath-aaq qetunrangellruuq ataucimek Reuel-aamek, Reuel-aaq-llu qetunrarluni cetamanek ukunek: Nahath, Zerah, Shammah, Mizzah-wa.

14Qetunrai Oholibamah-m Esau-m nulirran, Anah-m panian, qetunraan Zibeon-aam: Jeush, Jalam, Korah-llu. 15Ukut yuullgutkellriit Esau-m kinguvrini. Esau-m qetunraa ciuqliq Eliphaz-aq ciuliaruluni ukuni: Teman, Omar, Zepho, Kenaz, 16Korah, Gatam, Amalek-aaq-llu. Ukut waniwa kinguliaqai Esau-m nulirran Adah-m.

17Esau-m qetunraa Reuel-aaq ciuliaqaat yuullgutkellriit ukut: Nahath, Zerah, Shammah, Mizzah-wa. Ukut kinguliaqluki Esau-m nulirran Basemath-aam.

18Waniwa ukut Esau-m nulirran Oholibamah-m, panian Anah-m, qetunrai: yuullgutkellriit, Jeush, Jalam, Kora-llu. 19Makut tamalkuita ilakelriartaqai Esau-m.

Seir-am Kinguvri

20-21Ukut-llu waniwa qetunrai Seir-am Horite-am, uitalriim tamatum nuniini: Lotan, Shobal, Zibeon, Anah, Dishon, Ezer, Dishan-aaq-llu. Ukut qetunrai Seir-am Horite-am Edom-aami Horite-ani yuullgutkellriit. 22Qetunrai Lotan-aam ukuugut: Hori, Heman-aaq-llu; Lotan-aaq-llu alqerluni Timna-mek.

23Shobal-aam qetunrai: Alvan Manahath, Ebal, Shepho, Onam-aaq-llu.

24Zibeon-aam qetunrai: Aiah, Anah-wa. Anah taunguuq nalaqestekellrat mer'et uuqnarqelriit nunam iluanek ulvelriit yuilqumi nerqillermini atami Zibeon-aam ciulvainek. 25-26Anah atakellrua Dishon-aam, ciulirneqluku ilakellriartaita ukut: Hemdan, Eshban, Ithran, Cheran-aaq-wa. Anah cali paningqellruuq aterluni Oholibamah-mek.

27Ezer-aam qetunrai: Bilhan, Zaavan, Akan-aaq-llu.

28Dishan-aam qetunrai: Uz-aq Aran-aaq-llu.

29-30Ukut waniwa Horite-at yuullgutkellriit Edom-aami: Lotan, Shobal, Zibeon, Anah, Dishon, Ezer, Dishan-aaq-llu.

Edom-aam Anga­yu­qri

31-39Makut maa-i atanrullret Edom-aami kinguqliqutacimegcetun, Israelite-anek anga­yu­qertangvailgan:

Bela, qetunraa Beor-am, Dinhabah-mi

Jobab, qetunraa Zerah-m, Bozra-mi

Husham, nuniinek Teman-aam

Hada, qetunraa Bedad-am, Avith-aami+

Samlah, Masekah-mek

Shaul, Rehoboth-aamek Kuigmi

Baal Hanon, qetunraa Achbor-am

Hadad, Pau-amek (nulirra panikluku Matred-aam, tutgariin Mezahab-am)

40-43Ukut waniwa atanekuyuut kinguvallret Esau-mek ilakucimigcetun nunangqerrluteng at'meggnek aciumalrianek: Timna, Alvah, Jetheth, Oholibamah, Elah, Pinon, Kenaz, Teman, Mibzar, Magdiel, Iram-aaq-llu. Ukut atanekuyukai Edom-aam nunaucirmegcetun, nunami uitavimeggni.

Yupik Bible

Yupik Bible © 2012 American Bible Society

More Info | Version Index